اقش پەن ۇلىبريتانيا عالىمدارى جاڭادان زەرتتەۋ جاساپ، تەڭىز سۋى دەڭگەيىنىڭ وتە قارقىندى كوتەرىلىپ كەلە جاتقانىن مالىمدەدى. ولاردىڭ سوزىنە سەنسەك، 2100 جىلعا قاراي لوندون ءھام نيۋ-يورك سەكىلدى ءىرى شاھارلار سۋ استىندا قالماق دەپ حابارلايدى Qamshy.kz اقپارات اگەنتتىگى BBC سايتىنا سىلتەمە جاساپ.  

قازىرگى ۋاقىتتاعى اۋادا ءتۇرلى قالدىقتاردان، كولىكتەردەن، زاۋىتتاردان بولىنەتىن كومىرقىشقىل گازى كونسەنتراسياسىنىڭ مولشەرى ءوز دەڭگەيىنەن اسىپ كەتكەن. عالىمدار سوڭعى 80 جىلدا بۇل ۇدەرىستىڭ اۋا-رايىنا قاتتى اسەر ەتكەنى سونشا، 5 گرادۋسقا جۋىق كورسەتكىش وزگەرىس جاساۋعا ازەر ەتكەنىن ايتادى.

بۇل ۇدەرىس تەڭىز دەڭگەيىنىڭ 62 سانتيمەتردەن 238 سانتيمەترگە دەيىن كوتەرىلۋى ۇلكەن  ءقاۋىپ  توندىرەدى. 

تەڭىز دەڭگەيىنىڭ كوتەرىلۋى تەك قالالاردىڭ سۋعا باتۋىمەن عانا قورقىنىشتى ەمەس. قازىرگى ۋاقىتتىڭ وزىندە تەڭىز جاعاسىنا، ءىرى سۋ رەسۋرستارىنا جاقىن تۇراتىن ادامدار اۋىلىن اۋلاققا سالىپ، وتە كولەمدى ميگراسيالىق كوش ورىن الۋدا.

ەسكە سالا كەتەيىك، بۇل لوندون مەن نيۋ-يوركتىڭ ءبىرىنشى رەت "سۋ استىنا باتۋى" ەمەس. جاقىندا نيۋ-يورك قالاسىنىڭ مەرى ءوز شاھارلارىنىڭ 2050 جىلى سۋدىڭ استىندا قالۋى مۇمكىن ەكەنىن ايتىپ، ميلليونداعان تۇرعىنداردىڭ ۇرەيىن ارتتىرعان.

اۋدارعان: ادىلەت مادەنيەت