لاتۆيانىڭ ليەپاي قالاسىنىڭ تۋماسى رومان ليۋبيموۆ ماسكەۋدە قۇلدىققا جەگىلگەن ادامداردى قالاي قۇتقارعانى تۋرالى ايتىپ بەردى دەپ جازادى Qamshy.kz اقپارات اگەنتتىگى delfi.lv سايتىنىڭ دەرەگىن نەگىزگە الىپ. قۇلدىقتا بولعانداردىڭ قاتارىندا قازاقستاندىقتار، قىرعىزستاندىقتار مەن وزبەكستاندىقتار دا بولعان. 

رومان "التەرناتيۆ" اتتى ۇيىم بەلسەندىلەرىنە 2012 جىلى كومەك كورسەتكەن. ماسكەۋدەگى اتىشۋلى دۇكەندە قۇلدىققا جەگىلگەن ورتالىق ازيا تۇرعىندارىن قالاي قۇتقارعانىن ەسكە الدى. 

رەسەيلىكتەردىڭ قۇلدارى بولعان ازاماتتار جەردە ۇيىقتاعان، ءتىپتى ولاردىڭ كەيبىرى 12 جىل بويى ازاپ شەككەن. روماننىڭ سوزىنشە، ولاردى كەز كەلگەن سەبەپپەن اياۋسىز سوققىعا جىققان. سونداي-اق دۇكەندە بەينەكامەرا بولعاندىقتان، ولاردىڭ ءار باسقان قادامدارى باقىلاۋدا بولدى. 

"ءبىر ايەلدىڭ ساۋساعىنىڭ ساۋ تامتىعى قالمادى. بارلىعى سىنعان. ەڭ سوراقىسى، دۇكەن يەسىنەن 2 بالاسى بولدى. ونىڭ ەشقانداي تاڭداۋى بولمادى. بىرنەشە جىلدىڭ ىشىندە ول الگى دۇكەننەن 2 رەت بوسانار كەزىندە عانا سىرتقا شىققان. ءبىر بالاسىن ،قازاقستانعا جىبەرەمىز، دەپ الىپ كەتكەن. ءبىراق ونىڭ اعزاسىن ساتۋعا الىپ كەتكەنى انىقتالدى. ۇيىم وسىعان ۇقساس 4 جاعداي بولعانىن راستاپ وتىر. الگى ايەلدىڭ ەكىنشى بالاسىنان بەلگىسىز ءبىر سۇيىقتىق العان. ول كەزدە بالا تىم كىشكەنتاي بولدى. ءبىراق سول جايتتان كەيىن بالا دامىماي قالعان. 6 جاسىندا 3 جاستاعى بالا سەكىلدى بولعان. ول اناسىمەن بىرگە جەرتولەدە تۇرىپتى"، - دەيدى رومان. 

روماننىڭ ايتۋى بويىنشا، پوليسيا قىزمەتكەرلەرى اتالمىش جايتقا بايلانىستى ەشقانداي شارا قولدانباعان. ارىزدانۋ ءۇشىن قاشىپ كەلگەن ازاماتتاردى قايتادان  دۇكەن يەلەرىنە اپارىپتى. كەيىن ولار قاشىپ كەتكەنى ءۇشىن تاياق جەگەن. 

سوڭىندا "التەرناتيۆ" ۇيىمى قۇلدىقتا بولعاندارعا اقشا جيناپ، قۇجاتتارىن رەتتەپ بەرگەن. سودان كەيىن عانا ولاردى قۇلدىقتان قۇتقارعان. 

اۋدارعان: اسەل بولات قىزى