اتىراۋ وبلىستىق مەملەكەتتىك كىرىستەر دەپارتامەنتى باستىعىنىڭ ورىنباسارى بولىپ قۇرمانعالي تاسماعامبەتوۆ تاعايىندالدى دەپ جازادى Qamshy.kz اقپارات اگەنتتىگى اتالعان دەپارتامەنتتىڭ Facebook پاراقشاسىنا سىلتەمە جاساپ.

قۇرمانعالي نۇرعالي ۇلى 1959 جىلدىڭ 12 ماۋسىمىندا گۋريەۆ وبلىسى (قازىرگى اتىراۋ) ماحامبەت اۋدانى نوۆوبوگات اۋىلىندا دۇنيەگە كەلگەن. 1984 جىلى گۋريەۆ پەداگوگيكالىق ينستيتۋتىن فيزيكا ءپانىنىڭ ءمۇعالىمى ماماندىعى بويىنشا بىتىرگەن. 2011 جىلى اتىراۋ مۇناي جانە گاز ينستيتۋتىن ەكونوميست ماماندىعىمەن اياقتاعان. ەڭبەك جولىن 1984 جىلى ورتا مەكتەپتە ءمۇعالىم بولىپ باستاعان.

1986-1988 جىلدارى ارالىعىندا ماحامبەت اۋدانىنىڭ مەكتەپارالىق وقۋ-وندىرىستىك كومبيناتىنىڭ ءمۇعالىمى، 1988-1991 جىلدارى ماحامبەتتەگى سىرتتاي-كەشكى مەكتەپتىڭ ديرەكتورى، 1991-1992 جىلدارى ماحامبەت ووك شەبەرى بولىپ جۇمىس ىستەگەن.

1992-1995 جىلدارى ماحامبەت اۋدانىنىڭ فيلموتەكاسىن باسقارسا، 1995-1997 جىلدار ارالىعىندا «مەرەي» فيرماسىنا جەتەكشىلىك ەتكەن.

2002-2019 جىلدار ارالىعىندا اتىراۋ جانە اقتوبە وبلىسىندا كەدەندىك باقىلاۋ دەپارتامەنتىن باسقارىپ، ماڭعىستاۋ وبلىستىق مەملەكەتتىك كىرىستەر دەپارتامەنتى باستىعىنىڭ ورىنباسارى قىزمەتىن اتقارعان.

ۇسىنعان: ميات كاشىباي