تۇرىكمەنستان باسشىسى گۋربانگۋلى بەردىمۇحامەدوۆ اشحاباد قالاسىندا قاپتاعان كوبەلەكتەر مەن شىبىن-شىركەيلەردى جويۋعا تاپسىرما بەردى دەپ حابارلايدى Qamshy.kz اقپارات اگەنتتىگى iz.ru سايتىنا سىلتەمە جاساپ.

تۇرىكمەنستان پرەزيدەنتى قالالىق ءماجىلىس زالىندا سويلەگەن سوزىندە جوعارى ىلعالدىلىق پەن ءجيى جاۋعان جاڭبىردىڭ سالدارىنان قالادا كوبەلەكتەر مەن شىبىن-شىركەيلەر قاپتاعانىن ايتقان. ءبىراق گۋربانگۋلى بەردىمۇحامەدوۆ بۇل جاعدايدىڭ الدىن الماعان جەرگىلىكتى بيلىكتى ەرەكشە سىنعا الدى.

ەكولوگيالىق نورمانىڭ بۇزىلۋىن رەتكە كەلتىرۋ ءۇشىن جاۋاپتى ۆەدومستۆا شۇعىل ارەكەت جاساۋى كەرەك. «مەملەكەتتىك ساياساتتىڭ نەگىزگى باسىمدىقتارىنىڭ ءبىرى - قالالارىمىز بەن اۋىلدارىمىزدىڭ  ەكولوگيالىق حال-احۋالىن قامتاماسىز ەتۋ»، - دەدى پرەزيدەنت.  

ەستەرىڭىزدە بولسا، تۇرىكمەنستان پرەزيدەنتى احالتەكە قۇلىنى تۋرالى رەپ وقىعان بولاتىن. ەل باسشىسى ءوزى شىعارعان ولەڭدى (رەپ) حالىقارالىق ات سپورتى ورتالىعىندا احالتەكە جىلقىسىنىڭ ۇلتتىق مەيرامىنا وراي ۇيىمداستىرىلعان مەرەكەلىك شارادا وقىعان. مۋزىكاسىن پرەزيدەنتتىڭ نەمەرەسى كەريمگۋلى جازعان.

دايىنداعان: مارجان سابەت

وقي وتىرىڭىز: 

♦ تۇرىكمەنستان پرەزيدەنتى رەپ وقىپ، جەلىنى "جاردى" (ۆيدەو)