ق ر پرەمەر-مينيسترى اسقار مامين جۇمىس ساپارىمەن شىعىس قازاقستان، الماتى جانە قاراعاندى وبلىستارىنا جۇمىس ساپارىمەن باردى دەپ جازادى Qamshy.kz اقپارات اگەنتتىگى قازاقستان رەسپۋبليكاسى پرەمەر ءمينيسترىنىڭ رەسمي سايتىنا سىلتەمە جاساپ. 

اسقار مامين ەل وڭىرلەرىنە ساپارلارى كەزىندە بەرىلگەن مەملەكەت باسشىسى قاسىم-جومارت توقايەۆتىڭ تاپسىرمالارىنىڭ ىسكە اسىرىلۋ بارىسىن تەكسەردى. 

ەلىمىزدىڭ ورنىقتى كولىك ينفراقۇرىلىمىن دامىتۋ ماقساتىندا ق ر تۇڭعىش پرەزيدەنتى – ەلباسى نۇرسۇلتان نازاربايەۆ باستاماشى بولعان "نۇرلى جول" مەملەكەتتىك باعدارلاماسىنىڭ ورىندالۋ بارىسىنا باسا كوڭىل ءبولىندى.  

شىعىس قازاقستان وبلىسىندا اسقار مامين "وسكەمەن – تالدىقورعان" اۆتوجولىن سالۋ جوباسىن ىسكە اسىرۋ بارىسىن قارادى. بيىل 265 شاقىرىم جولدا قوزعالىستى اشۋ كوزدەلگەن. جالپى، ۇزىندىعى 763 شاقىرىم بولاتىن جول 2020 جىلى پايدالانۋعا تولىقتاي بەرىلەدى. بۇنىمەن قوسا، "قالباتاۋ – مايقاپشاعاي" تراسساسىندا رەكونسترۋكسيالاۋ جۇمىستارى جۇرگىزىلىپ جاتىر، وندا جىل سوڭىنا قاراي 135 شاقىرىم اۆتوجول پايدالانۋعا بەرىلەدى.

الماتى وبلىسىندا ق ر ۇكىمەتىنىڭ باسشىسىنا ۇزىندىعى 355 شاقىرىمداي بولاتىن "وسكەمەن – تالدىقورعان" اۆتوجولىنىڭ شىعىس بولىگىن رەكونسترۋكسيالاۋ، ۇزىندىعى 184 شاقىرىم بولاتىن "ءۇشارال – دوستىق" اۆتوجولىن سالۋ جوباسى تۋرالى باياندالدى.

اسقار مامين اقشى اۋىلىنداعى الاكول كولىنىڭ قورشاۋشى بوگەتىنىڭ قۇرىلىس ورنىن تەكسەردى. نىسان جاعالاۋعا جاقىن ورنالاسقان اۋىلداردىڭ 2،5 مىڭنان استام تۇرعىنىن تولقىنداردىڭ سالدارىنان قورعاۋعا مۇمكىندىك بەرەدى.

سونداي-اق، پرەمەر-مينيستر الاكول كولىنىڭ جاعالاۋىنداعى دەمالىس ايماعىن اباتتاندىرۋ جۇمىستارىمەن تانىستى. وڭىردە 200-دەن استام تۋريستىك نىسان ىسكە قوسىلعان، 450 ورىنعا ارنالعان "QOQTEM GRAND RESORT" جاڭا قوناق ءۇي كەشەنى پايدالانۋعا بەرىلۋدە. بيىل جاڭا قوناق ۇيلەر، سەرۆيس نىساندارىن سالۋ ارقىلى تۋريستىك الەۋەتتى دامىتۋ شارالارى جالعاستىرىلادى. بيىل الاكول كولىنىڭ وڭتۇستىك جاعالاۋىنا 1،3 ملن تۋريست كەلەدى دەپ بولجانعان.

قاراعاندى وبلىسىندا "قاراعاندى – بالقاش" اۆتوجولىنىڭ ۋچاسكەسىندەگى جۇمىس تەكسەرىلدى. اتالعان جوبا بويىنشا بيىل 187 شاقىرىمدا جول قوزعالىسى اشىلادى. نىساندى تولىق پايدالانۋعا بەرۋ 2020 جىلعا جوسپارلانعان. "قاراعاندى – تەمىرتاۋ" جانە "قاراعاندى ق. اينالما جولى" جوبالارى بويىنشا جۇمىستار جىل سوڭىنا دەيىن 61 شاقىرىم جولدى پايدالانۋعا بەرۋمەن اياقتالادى.

ق ر پرەمەر-مينيسترى اسقار مامين شىعىس قازاقستان وبلىسى جولدارىنىڭ ۋچاسكەلەرىندەگى قۇرىلىستىڭ جوعارى قارقىنمەن ءجۇرىپ جاتقانىن اتاپ ءوتىپ، الماتى جانە قاراعاندى وبلىستارىنىڭ نىساندارى بويىنشا قۇرىلىس جۇمىستارىنىڭ ەكپىنىن كۇشەيتۋدى تاپسىردى. قارقىندى جۇمىس رەجيمى مەن جەدەلدەتىلگەن جۇمىلدىرۋ ءۇشىن جوبالار قۇرىلىسىنىڭ مەرزىمدەرىنە ءتيىستى تۇزەتۋلەر ەنگىزۋ قاجەت. ۇكىمەت باسشىسى جەرگىلىكتى تۇرعىنداردى وبەكتىلەردى ىسكە اسىرۋعا تارتۋدىڭ، ەڭبەكاقى تولەۋدىڭ قاجەتتى جاعدايلارىن قامتاماسىز ەتۋدىڭ جانە قازاقستاندىق قامتۋ ۇلەسىن ارتتىرۋدىڭ ماڭىزدىلىعىن اتاپ ءوتتى.

"ينفراقۇرىلىم جۇمىس ىستەۋى كەرەك. "وسكەمەن – تالدىقورعان" جانە "قاراعاندى – الماتى" جوبالارى بويىنشا مىندەت – 2020 جىلى جولداعى قوزعالىستى اشۋ. ساپا ماسەلەسى نەگىزگى باسىمدىقتا بولۋى قاجەت»، — دەدى ا. مامين. —  الاكول كولىندە تۋريستىك الەۋەتتى دامىتۋ جۇمىستارىن جالعاستىرۋ قاجەت. بيىل شىعىس جانە وڭتۇستىك جاعالاۋلارعا 2 ملن-عا جۋىق تۋريست كەلەدى". 

ۇسىنعان: مارجان سابەت