كاسپيي تەڭىزىنە رۇقسات ەتىلمەگەن جەردەن شەكارانى بۇزىپ ءوتىپ، زاڭسىز بالىق اۋلاعاندارى ءۇشىن ءازىربايجان ازاماتتارى 4 ميلليون تەڭگەدەن استام ايىپپۇل تولەيدى. بۇل تۋرالى قاراقيا اۋداندىق سوتىنىڭ باسپا ءسوز قىزمەتى مالىمدەدى دەپ جازادى Qamshy.kz اقپارات اگەنتتىگى Lada.kz سايتىنا سىلتەمە جاساپ.

سۋلى شەكارادان زاڭسىز وتكەن بروكونەرلەر تەڭىزدەگى قىزىل كىتاپقا ەنگىزىلگەن بالىق تۇرلەرىن زاڭسىز اۋلاپ، تابىس تاپپاق بولعان.

سوت شەشىمى بويىنشا ءتورت شەتەلدىك ازامات ق ر قك 335-بابىنىڭ 4-تارماعىنا جانە 392-بابىنىڭ 1-تارماعىنا سايكەس ايىپتى دەپ تابىلدى.

ءارقايسىسىنا 500 ايلىق ەسەپتىك كورسەتكىش (اەك) كولەمىندەگى ايىپپۇل تولەۋ مىندەتى جۇكتەلدى. ەگەر ايىپتالۋشىلار بۇل جازامەن كەلىسپەسە، 5 جىلعا دەيىن باس بوستاندىعىنان ايىرىلۋى مۇمكىن.

اۋدارعان: ادىلەت مادەنيەت