قاراعاندى قالاسى لەنين كوشەسىنە 26-مامىر كۇنى جەدەل-جاردەم توبى كەشكى ساعات 06:00 شاماسىندا كەلدى. كوكىرەگىنەن پىشاق جاراقاتىن العان 35-جاستاعى ازاماتقا كومەك قاجەت بولعان. ول وبلىس اكىمىنىڭ ورىنباسارى الماس ايداروۆ بولىپ شىقتى دەپ حابارلايدى Qamshy.kz اقپارات اگەنتتىگى ۆرەميا گازەتىنىڭ سايتىنا سىلتەمە جاساي وتىرىپ.

دارىگەرلەر بۇل جاعدايدى بىردەن پوليسيا قىزمەتكەرلەرىنە حابارلاعان. وقيعا ورىنىنا تەرگەۋ توبى كەلگەن كەزدە جاراقات العان شەنەۋنىك ەشكىمگە ەشقانداي شاعىمى جوق ەكەنىن جانە كوكىرەك تۇسىنىڭ سول جاق بەتىنەن العان جاراقاتى ءۇشىن ەشكىمگە ارىز جازبايتىنىن مالىمدەگەن. ايداروۆ مىرزانىڭ ايتۋىنشا، ءتاتتى ءبالىشتى كەسىپ جاتقان ساتتە پىشاق تايىپ كەتىپ ونىڭ دەنەسىن جارالاعان. قۋانىشىنا وراي پىشاق دەنەگە كىرمەگەن.

وبلىس اكىمىنىڭ باسپا ءسوز حاتشىسىنىڭ مالىمدەۋىنشە، ءوزىن-وزى زاقىمداعان اكىمنىڭ ورىنباسارى ءوزىن جاقسى سەزىنەدى جانە دۇيسەنبى كۇنى، ياعني ەرتەڭگى كۇننەن باستاپ جۇمىسىن جالعاستىرادى.

جاقىندا عانا ايداروۆتىڭ الەۋمەتتىك جەلىدەگى پاراقشاسىندا ءوزىنىڭ دوسىن ەگىز بالالى بولۋىمەن قۇتتىقتاعان جازباسى پايدا بولدى. بالكىم وقيعا وسى مەرەكەنى تويلاۋ كەزىندە ورىن العان. كەيىنىرەك تاعى ءبىر جازبا جارىققا شىقتى.

« دوستار، دەنساۋلىعىما بايلانىستى حاتتار مەن قوڭىراۋلار كوپ ءتۇسىپ جاتىر. الاڭداعاندارىڭىز ءۇشىن العىسىم شەكسىز! مەندە بارلىعى جاقسى، ادەتتەگى بولعان ءۇي جاراقاتى. كەشكىسىن بايقاۋسىزدا جاراقاتتانىپ قالدىم، تۇندە قان كەتە باستادى، ال تاڭەرتەڭ جەدەل-جاردەم شاقىرۋعا تۋرا كەلدى. بارلىعىڭىزعا دەنساۋلىق تىلەيمىن»،- دەلىنگەن جازبادا.

اكىمدىكتە الماس ايدار ۇلى يندۋستريا، شاعىن جانە ورتا بيزنەستى دامىتۋ جانە ينۆەستيسيا ماسەلەلەرىن قاداعالايدى.

اۋدارعان: بەك بايتاس