حاكاسياداعى شىرىن اۋدانىنىڭ باسشىسى سەرگەي زايسيەۆ “دەجۋرنايا چاست” باعدارلاماسىنىڭ ءجۋرناليسىن سۇحبات كەزىندە سوققىعا جىقتى دەپ جازادى Qamshy.kz اقپارات اگەنتتىگى vesti.ru پورتالىنا سىلتەمە جاساپ.

فەدەرالدى تەلەارنا تاراتقان بەينەجازبادا كورىنىپ تۇرعانداي، شەنەۋلىك باسىندا ميكروفوندى قاعىپ، كوررەسپوندەنتتى كابينەتتەن شىعارۋعا تالپىنادى. سودان سوڭ ءتىلشىنى جەرگە قۇلاتىپ، ۇرا باستادى. بۇل كەزدە قىزمەتكەرلەردىڭ ءبىرى بەينەكامەرا وبەكەتيۆىن جابۋعا تىرىسۋدا. ودان كەيىن جۋرناليستەردى سىرتقا شىعارىپ جىبەرىپ، زايسيەۆ پەن ونىڭ قىزمەتكەرلەرى كابينەتتە اقىلداسا باستادى.

سيۋجەت اۆتورىنىڭ ايتۋىنشا، 2015 جىلى تۇرمىستىق قالدىقتار پوليگونىندا بولعان ءورت تۋرالى سۇراعاندا سەرگەي زايسيەۆ جۋرناليستەرگە كۇش كورسەتكەن.

تەلەارنا ءىىد مەن تەرگەۋ كوميتەتىنە ارىز جازدى.

كەيىن شىرىن اۋدانىنىڭ باسشىسى سەرگەي زايسيەۆ مالىمدەمە جاساپ، جۋرناليستەردەن كابينەتتى ۋاقىتشا بوساتا تۇرۋدى سۇراعان.  ءبىراق ولار كونبەگەندىكتەن، ەسىكتەن شىعارۋعا تالپىنعانى تۋرالى ايتتى. “ەدينايا روسسيا” پارتياسى بولعان وقيعاعا بايلانىستى كەشىرىم سۇرادى.

اۋدارعان: يلدار اديلچەنوۆ