جۇڭگو سۋرەتشىسى گۋو و دونگ ءوزىنىڭ جۇمىسىن ساتۋ ءۇشىن اۋكسيون ۇيىمداستىرعان بولاتىن جانە ول جەردە الەمدەگى ەڭ ءقاۋىپتى كومپيۋتەرلىك ۆيرۋستار جۇقتىرعان نوۋتبۋك Persistence of Chaos ("حاوس تۇراقتىلىعى") بار ەكەندىگى انىقتالدى دەپ حابارلايدى Qamshy.kz اقپارات اگەنتتىگى The Verge سايتىنا سىلتەمە بەرە وتىرىپ.

باسىلىمنىڭ اقپاراتى بويىنشا، Samsung كومپيۋتەرى WannaCry، ILOVEYOU، MyDoom، SoBig، Dark Tequila جانە BlackEnergy پروگراممالارىمەن بارلىعىن تاڭقالدىرعان كورىنەدى.

گۋو و دونگ ولارعا كەلتىرىلگەن جالپى شىعىندى 95 ميلليارد دوللارعا باعالادى. سونىمەن قاتار، نوۋتبۋك Wi-Fi ينتەرنەت جەلىسىنە نەمەسە USB ينتەرفەيسى ارقىلى باسقا قۇرىلعىعا قوسىلمايىنشا، ونىڭ يەسىنىڭ دەرەكتەرىنە ەشقانداي ءقاۋىپ جوق.

اۋكسيون قورىتىندىسى 27 مامىردا بەلگىلى بولادى. سوڭعى مالىمەتتەر بويىنشا اقىرعى تىگىلگەن ءباس سومماسى 1،2 ميلليوننان استام دوللاردى قۇرايدى. 2018 جىلدىڭ 26 قازانىندا حVII عاسىردىڭ سيقىرشىسىنىڭ قولجازباسى Toovey اۋكسيونىندا 22 مىڭ فۋنت ستەرلينگكە (شامامەن 12 ميلليون تەڭگە) ساتىلدى. قولجازبا ءماتىنىنىڭ 476-شى بەتىندە سيقىردىڭ كومەگىمەن ادامدى وزىنە عاشىق قىلۋ ، ارىقتاۋ، ناۋقاس ادامنىڭ ولەتىنىن ءتۇسىنۋ، سونداي-اق ايەلدى جالاڭاش بيلەتۋ تۋرالى نۇسقاۋلار كورسەتىلگەن.

اۋدارعان: بەك بايتاس