"ەرتەڭنەن باستاپ جۇگىرەمىن، ديەتا ۇستايمىن، كۇن سايىن اعىلشىن ءتىلىن ۇيرەنەمىن. مەن ەرتەڭ تەمەكىنى تاستايمىن، كوپ دوستار تابامىن، جۇمىسقا  بەلسەنە كىرىسەمىن نەمەسە ءوز ارمانىمدى جۇزەگە اسىرا باستايمىن. مەنىڭ ەرتەڭگى كۇنىم مۇلدەم باسقاشا بولادى ..."

 ەرتەڭگى كۇن – ءبىزدىڭ كۇنتىزبەمىزدە ءارقاشان ەڭ كۇشتى كۇن. وزگەرىستەرگە مۇقتاج بولساق، ەرتەڭنەن باستاپ بارلىق جوسپارلانعان وزگەرىستەردى جاساي الاتىنىمىزدى ءجيى ايتىپ وتىرامىز. الايدا ەرتەڭگى كۇنى بارلىعى ويلاعانداي بولمايدى. كۇندەلىكتى ومىردە ءبىز مۇقيات دايىندالعان جوسپاردى ىسكە اسىرۋدىڭ ءوزى ۇلكەن ەڭبەكتى قاجەت ەتەدى. سوندىقتان ءجاي عانا "ەرتەڭنەن باستاپ ءومىرىمدى وزگەرتەم" دەگەن جوسپاردى بىردەن ورىنداۋ وتە قيىن دەپ جازادى Qamshy.kz اقپارات اگەنتتىگى.  

 ادەتتە ادامدار جاڭا باستامالاردى وز-وزدەرىنە كوڭىلى تولماعان كەزدە نەمەسە بەلگىلى ءبىر ورتاعا بەيىمدەلۋ ءۇشىن باستايدى. باستاپقىدا قيىن بولۋى مۇمكىن، سەبەبى ءوزىڭىزدىڭ ۇيرەنشىكتى كۇن ءتارتىبىڭىزدى وزگەرتىپ، جاڭا ءىستى زەرتتەي باستايسىز. كوپ جاعدايلاردا ءبىزدىڭ وزگەرۋ قاجەتتىلىگىمىز دە قورشاعان ورتاعا قاتتى اسەر ەتەدى. كەيبىرەۋلەر ءبىزدىڭ ترانسفورماسيالارىمىزعا كوز سالىپ، ساتتىلىك تىلەسە، ەندى ءبىرى جاڭا ءىسىڭىزدى باعالاپ، سىناۋى مۇمكىن.  

ەڭ باستىسى - باس تارتپاۋ. وزگەرىستەر ەنگىزۋ ءۇشىن ەرتە بەرىلمەڭىز. بارلىعى ءبىر كۇندە بولا سالمايدى. سونى ەستەن شىعارماڭىز. ءوز ماقساتىڭىزعا جەتۋ ءۇشىن ءسىزدى العا تارتاتىن كىشىگىرىم ارەكەتتەردى جوسپارلاڭىز.

سونىمەن، ەرتەڭگى كۇننەن جاڭا ءومىردى قالاي باستاۋعا بولادى؟

كەز كەلگەن ءىستى باسىنان باستاۋ وڭاي بولمايدى، ءبىراق باتىلدىق تانىتىپ، كىشىگىرىم قادامداردان باستاۋ كەرەك. ءسىز مىنەز-قۇلقىڭىزدى كۇرت وزگەرتىپ، ءوزىڭىزدى قايتا قۇرۋدى قارقىندى ىستەسەڭىز، كوپ ۇزاماي بۇل ارەكەتتەر سىزگە تىم اۋىر كورىنىپ، بارىنەن وڭاي باس تارتاسىز.

ءومىردى ءتيىمدى وزگەرتۋ ءۇشىن نە ىستەۋ كەرەك؟

1. 5 جىلدان كەيىنگى ءوزىڭىزدى ەلەستەتىپ كورىڭىز

ەرتەڭگى كۇنى ءوزىڭىز ويلاعانداي تابىسقا جەتۋ ءۇشىن كۇش سالماساڭىز، ەشتەڭە شىقپايدى. ءسىز ءالى دە ءبىرىنشى قادامدى جاساۋعا موتيۆاسيا ىزدەسەڭىز، ەرتەڭگى كۇننىڭ جوسپارىن كەيىنگە قالدىرۋ ارقىلى ءسىز تاعى دا  5 جىلدان كەيىنگى ءوزىڭىزدى جوعالتاتىنىڭىزدى ويلاڭىز.

2. ءوزىڭىزدى زەرتتەڭىز

ءسىزدىڭ ءومىرىڭىزدىڭ قانداي ەلەمەنتتەرىن جاقسارتۋ كەرەك؟ كىمگە نەمەسە نەگە ەڭ كوپ نازار اۋداراسىز؟ ءوز ماقساتتارىڭىزعا قالاي جەتۋگە بولادى؟ سىزدە ىنتا جوق بولعاندىقتان، جۇزەگە اسىرا الماعان فانتاستيكالىق يدەيالارىڭىز تۋرالى ويلاڭىز. وزىڭىزگە جان-جاقتى سۇراق قويىڭىز! ءوزىڭىزدى تانىڭىز.

3. الدىڭىزعا ماقساتتار قويىڭىز

ولاردىڭ مۇمكىندىگىنشە ۇلكەن، ءبىراق سونىمەن قاتار ناقتى ەكەندىگىنە كوز جەتكىزىڭىز. ءسىزدىڭ ءاربىر ماقساتىڭىز مۇمكىندىگىنشە ءدال سيپاتتالۋى كەرەك. ءسىزدىڭ سالماق جوعالتىپ قانا قويماي، ونى قالاي جۇزەگە اسىراتىنىڭىز ماڭىزدى. سوندىقتان جوسپارلى ارەكەت جاساڭىز. وزىڭىزگە سۇراقتار قويىڭىز! قانشا كەلى سالماق جوعالتاسىز؟ سىزگە سالماق جوعالتۋ قانشالىقتى قاجەت؟ ءسىز قانداي ديەتانى قولداناسىز؟ ءسىز قانداي دەنە جاتتىعۋلاردى تاڭدايسىز؟ ارماندارىڭىزداعى سالماققا جەتۋ ءۇشىن قانشا ۋاقىت قاجەت؟

ءاربىر ۇلكەن تاپسىرما شاعىن ەلەمەنتتەردەن تۇرادى. تەك ناقتى جوسپار عانا سىزگە ماقساتقا جەتە الاتىنىڭىزعا سەنىمدىلىك بەرەدى.

4. ءارتۇرلى اسەرلەرگە دايىن بولىڭىز

قىزىعۋشىلىق زاڭى شىنىمەن بار. سىزدە كۇرەسىپ جاتقان نارسەگە جەتۋ ءۇشىن ناقتى موتيۆاسيا بار. ەندى ءسىزدىڭ جولىڭىزدا تۋىنداۋى مۇمكىن قيىندىقتاردى انىقتاڭىز.

بۇعان دايىن بولىڭىز جانە بۇل فاكت ءسىزدى ەش تاڭ قالدىرماسىن. ىقتيمال پروبلەمالار مەن قيىندىقتارعا جاۋاپ بەرۋ ستراتەگياسىن دايىنداڭىز. ءاربىر ساتسىزدىككە نۇكتەنى قويىپ، ارەكەتتەنۋدى توقتاۋسىز جالعاستىرىڭىز.

 جوعارىدا سيپاتتالعان بارلىق قادامداردى اياقتاساڭىز، قۇتتىقتايمىن! ءسىز ءوز مىنەز-قۇلقىڭىزدى، ماقساتتارىڭىز بەن مىندەتتەرىڭىزدى تولىق  تالداي الاتىن ادامعا اينالدىڭىز. ەندى ءوزىڭىزدى وزگەرتۋ ءۇشىن سىزدە جوسپار بار. ەرتەڭنەن باستاپ سونى جۇزەگە اسىراتىن ۋاقىت كەلدى!