ەمدەلۋ ءۇشىن اناسى جانە باۋىرىمەن بىرگە ءۇندىستانعا كەتكەن الماتىلىق ديانا ىستىبايەۆا سول جاقتا كوز جۇمىد دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.
قاتەرلى ىسىككە شالدىققان قازاقستاندىق ديانا ىستىبايەۆا ءۇندىستاندا كوز جۇمدى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى.
"وكىنىشكە قاراي، ول كەشە قايتىس بولدى. ءقازىر ءبىز ونىڭ دەنەسىن مەملەكەت ەسەبىنەن قازاقستانعا جەتكىزۋ ءۇشىن بارلىق قاجەتتى كومەكتى كورسەتىپ جاتىرمىز"، - دەدى سمادياروۆ سىرتقى ىستەر مينيسترلىگىندە وتكەن بريفينگتە.
ايتا كەتسەك، 23 جاستاعى الماتىلىق ديانا ىستىبايەۆا ەمدەلۋ ءۇشىن اناسى جانە باۋىرىمەن بىرگە ءۇندىستانعا كەتكەن ەدى. التى جىل بۇرىن دارىگەرلەر وعان "شىنتاق بۋىنى ساركوماسى" دياگنوزىن قويىپتى. دارىگەرلەر قىزدىڭ قولىن يىعىنا دەيىن كەسىپ تاستاۋعا ءماجبۇر بولعان.
الايدا ءۇندىستاندىق دارىگەرلەر قازاقستاندىق بويجەتكەنگە كومەك كورسەتە المادى. اۋرۋ ابدەن اسقىنىپ كەتكەن.
الماتىلىق قىزدىڭ سوڭعى تىلەگى ەلگە ورالۋ بولاتىن.
ۇسىنعان: ماقپال سەمباي
