جاقىندا الماتىداعى باسپا ءسوز ورتالىعىندا (قاراساي باتىر، 85 ءۇي) «جانشۋاق» قايىرىمدىلىق قورى مەن ورالمان ايەلدەردىڭ «نۇر قونىس» قايىرىمدىلىق قورىنىڭ ۇيىمداستىرۋىمەن  «تاريحي وتانىنا ورالىپ جاتقان قانداس باۋىرلاردىڭ ناۋرىز مەرەكەسى قارساڭىندا كەزدەسۋى جانە الەۋمەتتىك ماسەلەلەرى بويىنشا وي ءبولىسۋى» اتتى داڭگەلەك ستول جينالىسىن وتكىزدى، وندا نەگىزىنەن: كوشىپ كەلىپ جاتقان قانداس باۋىرلارىمىزدىڭ تۇراقتى تىركەۋگە تۇرۋى، ازاماتتىققا قۇجات تاپسىرۋى،باسپانا، جەر ماسەلەسى، ءبىلىم الۋ جانە دەنساۋلىق ساقتاۋ ماسەلەسى بويىنشا تۋىندايتىن سۇراقتار؛ كوپ بالالى انالاردىڭ مەملەكەتتىك جاردەماقى الۋ، مۇگەدەك جانداردىڭ ۇكىمەتتەن الاتىن قوسىمشا جاردەماقىسى تۋرالى تۋىندايتىن سۇراقتار، نەسيە الۋ؛ قاتارلى كوپتەگەن قوردالانعان ماسەلەلەر تالقىلاندى. جينالىسقا قور باسشىلارى مەن قاتار زاڭگەرلەر، اقپارات قۇرالدارى جانە مەملەكەتتىك مەكەمە وكىلدەرى،شەتەلدەن كونىس اۋدارگان قانداستار  قاتىستى. جينالىس كۇنتارتىبى بويىنشا كىرىسپە ءسوز الگان  «جانشۋاق» قايىرىمدىلىق قورىنىڭ ديرەكتورى قابدوللا تاسقىنبەك قور جۇمىسىنىڭ ماقساتى مەن ءمانىن ايتا كەلە جينالىس كۇنتارتىبى مەن جوسپارىنداعى  قارالاتىن نەگىزگى ماسەلەلەردى جەكە-جەكە اتاپ كورسەتتى.

ورالمان ايەلدەردىڭ «نۇر قونىس» قايىرىمدىلىق قورىنىڭ اتقارۋشى ديرەكتورى اللابەرگەنوۆا زيبيرا: قازىرگى كوشى-قون جۋمىسىنداگى كەدەرگىسى كوپ ماسەلەلەر مەن ۇكىمەتتىك ۇيىم جۇمىسىنداعى كۇندەلىكتى كەزدەسەتىن ماڭىزدى ساۋالداردى اتاپ كورسەتتى: ماسەلەن العاش قونىس اۋدارگان قانداستارىمىزدىڭ تىركەۋگە تۇرۋداگى قيىندىعى مەن ازاماتتىق الۋداعى باسى ارتىق قاعازباستىلىقتىڭ ازايماي وتىرگاندىعى جانە كوشى-قون كۆوتاسىنىڭ توقتاتىلۋىنا بايلانىستى تۋىنداعان سۇراقتار قاداۋلى الەۋمەتتىك ماسەلەلەر تۋراسىندا ءسوز ەتتى.

وزبەكستاننان قونىس اۋدارعان ورالمان ءارى زاڭگەر ۋتەپبەرگەنوۆ سەيپاتدين: قازىرگى كەزدەگى ورالماندارعا قاتىستى  قولدانىستاعى ءبىرقاتار زاڭ اكتىلەرى مەن ۇكىمەتتىك قاۋلىلارداعى كەتكەن اعاتتىقتار مەن كەمشىلىكتەردى وز باسىنان وتكىزگەن تاجيربيەسى نەگىزىندە سالىستىرىپ اتاپ كورسەتتى، سونىمەن قاتار ورالماندارعا ءقاجنتتى  زاڭدىق-قۇقىقتىق كومەك بەرەتىن ورتالىقتىڭ نە مەملەكەتتىك مەكەمەنىڭ قاجەتتىلىگىن جانە ورالمانداردىڭ  جەكە باس كۋالىكتەرى مەن زاڭدىق قۇجاتتارىن اۋدارىپ كۋالاندىراتىن نوتاريۋستىق جەكە مەنشىك مەكەمەلەردىڭ قاراجات تولەتۋ جاعىنداعى ورەسكەل جۇگەنسىزدىگىن بۇعان ادىلەت مينستىرلىگى تاراپىنان تەكسەرۋ مەن شەكتەۋدىڭ قاجەتتىلىگىن اتاپ كورسەتتى. الماتى قالاسى كوشى – قون پوليياسى باسقارماسىنىڭ ورالماندارمەن جانە بوسقىندارمەن جۇمىس ىستەۋ ءبولىمىنىڭ باستىعى كۇلسىن مەتەرباي قىزى ىسقاقوۆا: نەگىزگى قوردالانعان وزەكتى ماسەلەلەردىڭ بار ەكەندىگىن مويىنداي كەلە، سوڭعى جىلدارداعى كوشى-قون جۇمىسىمەن اينالىساتىن بىردەن – ءبىر مەملەكەتتىك مەكەمەنىڭ سوڭعى بىرنەشە جىلداعى قۇرلىمدىق وزگەرىستەرگە بايلانىستى كوشى-كون جۇمىسىنىڭ اقساپ جاتقانىن ايتا كەلە بۇگىنگى تالقىلاعان وزەكتى ماسەلەلەردى ءوز تاراپىنان  مىندەتتى تۇردە شەشىلۋىنە ات سالىساتىنىن جانە وزىنەن جوعارعى ۋاكلەتتى ورگان مەن باسشىلارىنا جەتكىزەتىننە ۋادە بەردى. سونىمەن قاتار وز ۋاكىلەتتىلىگى توڭىرەگىندە جۋرنلاليستەر مەن ورالماننداردىڭ سۇراقتارىنا جاۋاپ بەردى.

الماتى قالالىق كوپ بالالى انالار قاۋىمداستىعىنىڭ ءتورايىمى ايمبەتوۆا بيبيرابا: قازىرگى كەزدەگى قوعامنىڭ ءالجۋاز الەۋمەتتىك توبىنا اينالگان ورالمانداردىڭ كوپتەگەن ماسەلەلەرى مەن مەلەكەتتىك جاردەماقى ماسەلەسىندەگى پروبلەمالار كوپ بالالى ورالمان وتباسىلاردىڭ جاعدايى، جانە مەملەكەتتىك جاردەماقىلاردىڭ ورالماندارعا قاتىستى تولەنۋ جاعدايىن ءتۇسىندىردى سونىمەن قاتار ورالمانداردىڭ باسپانالى بولۋ جاعىنداعى قينشىلىقتارى مەن مەملەكەتتىك قولجەتىمدى تۇرعىن ءۇي باعدارلاماسىنا ورالمان وتباسىلاردىڭ ءقواتىسۋ مۇمكىندىگىن كاراستىرلسا دەگەن پىكىر ءبىلدىردى.  جينالىس سوڭىندا ۇيىم جەتەكشىلەرى مەن قۇزىرلى مەكەمە وكىلدەرى جۋرناليستەر مەن ورالمانداردىڭ سۇراقتارىنا جاۋاپ بەردى، سونىمەن قاتار بۇگىنگى تالقىلىنعان ماسەلەلەردى حاتتاما رەتىندە تىركەپ ءتيستى مەملەكەتتىك مەكەمەلەرگە جولدايتىن بولىپ كەلىستى، ءارى مۇنداي باسقوسۋلار مەن جينالىستاردى جيى وتكىزىپ تۇرۋعا سونىمەن قاتار ورالماندار جيى قونىستانعان شالعاي ەلدى مەكەندەرگە كوشپەلى وتىرىس نەگىزىندە جالعاستىرۋعا ۋادەلەستى. جينالعان ورالماندار كوكەيدە جۇرگەن  كوپتەگەن سۇراقتارىنا جاۋاپ العانداي بولدى. سوڭىندا تۇرمىسى تومەن كوپبالالى وتباسىلارىنا ارناپ قور تاراپىنان ازىق-تۇلىك كارزيناسى ۇلەستىرىلدى. جانە جينالىسقا  قاتىسۋشىلاردىڭ بارلىعى مەرەكەلىك داستارقاننان ءدام تاتتى.