رەسەيدىڭ كراسنويار ايماعىندا سيەۆەرو-ەنيسەي اۋىلىنداعى وقيعا ەلدىڭ ەسىن شىعاردى دەپ حابارلايدى Qamshy.kz اقپارات اگەنتتىگى ريا نوۆوستيگە سىلتەمە جاساپ. جەرگىلىكتى ب ا ق قورباڭداعان ايۋ ورمانىن تاستاپ، ەلدىمەكەنگە بەت الىپ، اقىر اياعىندا بالالار وينايتىن الاڭعا كەلىپ "ويناعانى" تۋرالى حابار تاراتتى.
اۋىل تۇرعىندارى كوشەدەن الىپ جىرتقىشتى كورە سالىسىمەن لەزدە جەرگىلىكتى پوليسيا بولىمشەسىنە حابارلاسقان. كەڭ كوشەدە ەمىن-ەركىن جۇرگەن ايۋ ءبىر مەزەتتە ويىن الاڭىنا قاراي بەتتەگەن. وسىلايشا ادامعا "ەركەلەگەن" ايۋ تۋرالى اقپاراتتى جەرگىلىكتى ىشكى ىستەر باسقارماسىنىڭ مالىمدەمەسى دە راستاپتى.
"تۇرعىنداردان ايۋ كورگەندەرى تۋرالى حابارلاما ءتۇستى. وقيعا ورنىنا پوليسيا قىزمەتكەرلەرى مەن اڭشى جەدەل جەتتى. الدىمەن جىرتقىشتى ارنايى ادىستەر ارقىلى ورمانعا قايتا قۋىپ جىبەرۋگە ارەكەت جاسالىنعانىمەن، ايۋ شۋعا قۇلاق اسپاپتى. كەرىسىنشە قىرسىعىپ، ادامدارعا قارسى شابۋىل جاساي باستاعان سوڭ پوليسيا قىزمەتكەرلەرى تابەلدىك قارۋ قولدانۋعا ءماجبۇر بولعان"، - دەدى جەرگىلىكتى ءىىب باسپا ءسوز قىزمەتىنىڭ باسشىسى ۆلاديمير يۋرچەنكو.
اۋدارعان: داۋرەن سىبانباي
پىكىر قالدىرۋ