بۇگىندە قازاق مادەنيەتى مەن ادەبيەتىنە ءھام سپورتىنا شەتتەن كەلگەن قانداستاردىڭ دا وزىندىك ۇلەسى بار. بۇدان تىس اۋىل-مال شارۋاشىلىعى، ءتىپتى ءار ءتۇرلى قارا جۇمىستاردىڭ دا ءبىرازىنا ارالاسىپ، وزىندىك ەڭبەگىمەن ۇلەس قوسىپ كەلەدى. ءتىپتى، حالىق سانىن ارتتىرۋدا دا ورنى ەرەك ەكەنى، ايتپاسا دا تۇسىنكتى...

الايدا، شەكارادان زاڭدى ءوتىپ، قۇجاتىمەن كەلىپ ءتۇرلى سەبەپتەرمەن قۇجاتسىز قالعان قانداستارىمىز قانشاما؟.. وتكەن جىلعى رەسپۋبليكا كولەمىندە 50 مىڭعا جۋىق قانداس ازاماتتىق الا الماي ءجۇردى دەگەن اقپار تارادى. ىزىنشە زاڭگار ابزال قۇسپاننىڭ ارالاسۋىمەن اتالعان قۇجاتتار (ءتىزىمى جاسالىپ) ءتيىستى مينيcترلىككە جەتتى. اراعا ەكى-ۇش اي تالقىلاۋدان كەيىن ەلباسى جارلىعىمەن ءبىر جىلدىق جەڭىلدەتىلگەن ءتارتىپ جاريالانىپ، بارلىق قانداستارعا قۇجاتتارىن راسىمدەپ الۋعا مۇمكىندىك بەرەتىن بۇيرىق شىعاردى. الايدا، مۇنىمەن ەلىمىزدەگى شەتتەن كەلگەن قانداستاردىڭ قۇجاتتىق «جىرى» بىتەتىن ءتۇرى جوق...

مىسالى، جۇڭگو پاسپورتتارىنىڭ ۋاقىتى ءوتىپ، ەش قۇجاتسىز قالعان قانداستارىمىزعا جۇڭگو ەلشىلىگى سىم-گى، قوعامدىق ۇيىمداردىڭ ارالاسۋىمەن جاڭا قۇجات جاساپ بەردى. ءبىراق، شەكارادان ءوتتى دەگەن نە ءبىر ءمور، ۆيزاسى جوق اتالعان پاسپورتتاردىڭ بارىنان نە قايىر دەرسىز، ق ر ازاماتتىعىن الۋعا جاراماسا؟.. ياعني، ق ر ازاماتتىعىنا قۇجات تاپسىرۋ ءۇشىن پاسپورتتىڭ بەتىندە ۆيزا، شەكارادان وتكەن كۇنى، ءمورى ءبارى-بارى بولۋى كەرەك ەكەن. ەندى مۇنى جەرگىلىكتى كوشى-قون مەكەمەلەرى قابىلداۋعا ەش مۇمكىندىك جوق. زاڭ بويىنشا شەكتەۋ قويىلعان.

شەشۋدىڭ ەكى جولى عانا بار ؛

1-قىتاي اسىپ، بارلىق تالاپتاردى ورىنداپ قايتۋ. (ول جاقتان قايتا كەلۋ مۇمكىن ەمەس، سوندىقتان جەرگىلىكتى پوليسيا قىزمەتكەرلەرىمەن «ۇشتاسىپ» قۇجاتسىز بولسا دا، قازاقستاندا جۇرە تۇرۋ)

2-جەڭ ۇشىنان جالعاسىپ، ق ر ازاماتتىعىن الۋ. وعان قۇجاتسىز، جۇمىسسىز 10 جىلدان استام كۇنەلتىپ كەلگەن كەيبىر قانداستاردىڭ قالتاسى كوتەرە بەرمەيدى...

وسى جانە وزگە دە تۇيتكىلدى ماسەلەلەردى «الماتى جاستارى» ورتالىعىندا تالقىلاپ، ق ر پرەزيدەنتىنە اشىق حات جولداۋ ارقىلى، ماسەلەنىڭ وڭ شەشىم تابۋىن سۇرايتىن بولامىز. وندا 30-دان استام قانداستار كەلىپ، ناقتى جاعدايلارىمەن بولىسەتىن بولادى. قازىرگى ءبىزدىڭ ەسەبىمىز بويىنشا الماتى وبلىسىندا 5000-عا جۋىق قانداس قۇجات الۋعا مۇمكىندىگى بولماي، سابىلىپ ءجۇر. بەيرەسمي اقپاراتتارعا سۇيەنسەك، كەيبىرى جەرگىلىكتى پوليسيا وكىلدەرىنەن تىعىلىپ، قاشىپ جۇرگەنگە ۇقسايدى.

ءوز ەلى، ءوز جەرىندە «قاشقىن» بولىپ جۇرگەن قانداستارعا كوپ بولىپ قولداۋ كورسەتەرسىزدەر دەگەن ويدامىز!

جيىن ورنى: الماتى ق. گوگول-بايتۇرسىن ۇلى كوشەلەرىنىڭ قيىلىسىندا

ۋاقىتى: 29.05.2019ج

باستالۋى: ساعات 15:00-دە

بايلانىس ءنومىرى : قۇرمەتوللا - 87052229300