"قازگيدرومەت" ماماندارى جازدىڭ العاشقى كۇندەرىنە ارنالعان اۋا-رايى بولجامىن ۇسىندى دەپ حابارلايدى Qamshy.kz اقپارات اگەنتتىگى.
ماماندار ايتۋىنشا، قازاقستانعا باتىس جانە سولتۇستىكتەن جىلجىعان اتموسفەرالىق فرونتتار الداعى ءۇش تاۋلىكتەگى اۋا رايىن انىقتايدى.
"2019 جىلعى 30 مامىر – 1 ماۋسىم ارالىعىنا بولجام: فرونتتاردىڭ وتۋىمەن كوپتەگەن وبلىستاردا نايزاعاي جانە ەكپىندى جەلمەن وتكىنشى جاڭبىر كۇتىلەدى. ءبىراق جازدىڭ جاقىنداۋىمەن اۋا تەمپەراتۋراسى جاڭبىر كەزىندە ايتارلىقتاي تومەندەمەيدى، ال ونىڭ توقتاتىلۋىمەن جىلدام كوتەرىلە باستايدى"، - دەلىنگەن حابارلامادا.
دايىنداعان: داۋرەن سىبانباي
