الماتى قالاسىندا پوليسيا قىزمەتكەرلەرى مەن ەرىكتى جاستار ءىس-تۇسسىز جوعالىپ كەتكەن بالانى ەكىنشى كۇن قاتارىنان ىزدەپ، تابا الماي ءجۇر دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساي وتىرىپ.

ىزدەۋ شارالارى كەزىندە انىقتالعانداي 2007 جىلعى دامير وسپانوۆتى 28-مامىر كۇنى تۇسكى ساعات 15:00 شاماسىندا كورگەن. ول كەزدە ول ساينا جانە جاندوسوۆ كوشەلەرىنىڭ قيىلىسىندا، 9-شى شاعىن مولتەك اۋدانىنداعى №5 مەكتەپ-گيمنازيانىڭ الاڭىندا فۋتبول ويناپ جۇرگەن ەكەن. سونداي-اق، ىزدەۋ باعدارىندا بالانىڭ ارنايى بەلگىلەرى كورسەتىلگەن.

الماتىداعى جوعالىپ كەتكەن جانداردى ىزدەۋگە كومەكتەسەتىن "LIDER.KZ" توبىنىڭ ۇيلەستىرۋشىسى ديلميرا بلاستىڭ ايتۋىنشا، ىزدەستىرۋ كەشەدەن بەرى ءجۇرىپ جاتىر، ءبىراق ءالى ناتيجە شىققان جوق.

"بالا ءالى تابىلمادى. ءقازىر ىزدەستىرۋ شارالارىن جاساۋ ءۇشىن قوسالقى ادامدار كەرەك. پوليسيا بولىمشەسىنە بالا جوعالعان ساتتە ارىز تۇسكەن. قازىرگى ۋاقىتتا الماتى  پوليسيا باسقارماسىنىڭ قىزمەتكەرلەرىمەن جانە اۋەزوۆ اۋداندىق پوليسيا قىزمەتكەرلەرىمەن بىرگە جۇمىس جاساپ جاتىرمىز. ءبىزدىڭ توپتان ون بەس ادام ىزدەستىرۋ جۇمىسىن باستاپ كەتتڭ، قالعان ادامدار جۇمىس ورنىندا"،- دەدى ديلميرا بلاس.

ىزدەستىرۋ جۇمىستارى قالاي ءجۇرىپ جاتقانى جايلى قالالىق پوليسيا قىزمەتكەرلەرى دە ايتا كەتتى.

"ون ەكى جاستاعى بالانىڭ جوعالعانى تۋرالى ارىز كەلىپ تۇسكەننەن كەيىن، اۋەزوۆ اۋداندىق پوليسيا بولىمشەسىندە ىزدەستىرۋ توبى قۇرىلدى، ونىڭ قۇرامىنا الماتى قالاسىنىڭ پوليسيا ءبولىمىنىڭ كامەلەتكە تولماعاندار مەن قىلمىستىق پوليسيا قىزمەتكەرلەرى مەن جەدەل بولىمشەلەرى كىرەدى. بالانىڭ قايدا ورنالاسقانىن جانە ونىڭ اتا-اناسىنا قايتىپ ورالۋىنا باعىتتالعان جەدەل-ىزدەستىرۋ شارالار كەشەنى ءجۇرىپ جاتىر. ءبىز ءىس بويىنشا تابىستى ناتيجەگە ۇمىتتەنەمىز"،- دەپ مالىمدەدى الماتى قالالىق پوليسيا باسقارماسىنىڭ رەسمي وكىلى سالتانات ازىربەك.

اۋدارعان: بەك بايتاس