رەسپۋبليكالىق قوعامدىق شتاب باسشىسى ماۋلەن اشىمبايەۆ قاسىم-جومارت توقايەۆتىڭ ورىنىنا تەلەدەباتقا قاتىسادى دەپ حابارلايدى Qamshy.kz اقپارات اگەنتتىگى "Nur Otan" پارتياسىنىڭ باسپا ءسوز قىزمەتىنە سىلتەمە جاساپ.

قاسىم-جومارت توقايەۆ ءوزىنىڭ مەملەكەت باسشىسى مىندەتىنە سايكەس شارالارعا قاتىسادى. ونىڭ بۇكىل رەسپۋبليكالىق، وڭىرلىك، اۋماقتىق ۇگىت-ناسيحات شارالارىن قوعامدىق شتابى مەن سەنىمدى ادامدارى ورىنداۋدا.

“وزدەرىڭىز بىلەتىندەي، قاسىم-جومارت توقايەۆ ەۋرازيالىق ەكونوميكالىق كەڭەس جانە باسقا دا حالىقارالىق دارەجەدەگى شارالارعا قاتىستى. سوندىقتان، قاسىم-جومارت توقايەۆ بۇيرىعىمەن ونىڭ اتىنان، سەنىمگەر تۇلعا رەتىندە تەلەدەباتقا رەسپۋبليكالىق قوعامدىق شتاب باسشىسى ماۋلەن اشىمبايەۆ قاتىسادى”، - دەپ حابارلايدى پارتيانىڭ باسپا ءسوز قىزمەتى.

بۇعان دەيىن ق ر پرەزيدەنتىنىڭ كومەكشىسى ەرلان قارين ايتقانداي، توقايەۆ تەلەدەباتقا قاتىسپايدى.

اۋدارعان: يلدار اديلچەنوۆ

وقي وتىرىڭىز:

ەسپايەۆا توقايەۆتىڭ جولىن قۋىپ، دەباتقا قاتىسپايدى

قارين: “توقايەۆ كوپشىلىك جينالاتىن شارالاردان باس تارتتى”