ەۋرازيالىق دامۋ بانكىنىڭ كەڭەسى ق ر پرەمەر-مينيسترى اسقار ءماميندى كەڭەستىڭ ءتوراعاسى رەتىندە سايلادى. قازاقستان رەسپۋبليكاسىنىڭ پرەمەر-مينيسترى اسقار ءماميننىڭ توراعالىعىمەن ەۋرازيالىق دامۋ بانكى (ەادب) كەڭەسىنىڭ وتىرىسى ءوتتى دەپ حابارلايدى Qamshy.kz اقپارات اگەنتتىگى ۇكىمەت سايتىنا سىلتەمە جاساپ.

وتىرىس جۇمىسىنا ەادب كەڭەسىنىڭ مۇشەلەرى: رەسەي فەدەراسياسىنىڭ ۇكىمەتى ءتوراعاسىنىڭ ءبىرىنشى ورىنباسارى - رف قارجى ءمينيسترى ا. سيلۋانوۆ، قازاقستان رەسپۋبليكاسىنىڭ پرەمەر-مينيسترىنىڭ ءبىرىنشى ورىنباسارى - قارجى ءمينيسترى ءاليحان سمايىلوۆ، ارمەنيا رەسپۋبليكاسىنىڭ ۆيسە-پرەمەرى  م. گريگوريان، بەلارۋس رەسپۋبليكاسىنىڭ قارجى ءمينيسترى م. ەرمولوۆيچ، قىرعىز رەسپۋبليكاسىنىڭ قارجى ءمينيسترى ب. جەەنبايەۆا، تاجىكستان رەسپۋبليكاسىنىڭ قارجى ءمينيسترى ف. كاححورزودا قاتىستى.

وتىرىس بارىسىندا بانكتىڭ 2018 جىلداعى جۇمىسىنىڭ قورىتىندىسى شىعارىلدى، ەۋرازيالىق ەكونوميكالىق وداققا مۇشە مەملەكەتتەر اراسىنداعى ساۋدا-ەكونوميكالىق بايلانىستار مەن ينۆەستيسيالىق قىزمەتتى دامىتۋعا جاردەمدەسۋگە باعىتتالعان ينتەگراسيالىق جوبالاردى ىسكە اسىرۋ ماسەلەلەرى قارالدى.

بۇگىندە بانك قورجىنى 3،5 ميلليارد دوللار سوماسىنا 85 جوبادان تۇرادى. بارلىق جوبالاردىڭ 40 پايىزعا جۋىعى قازاقستان اۋماعىندا ىسكە اسىرىلىپ جاتىر. 2018 جىلى ەادب 1،4 ميلليارد دوللار سوماسىنا 29 جاڭا جوبانى ماقۇلدادى، سونىڭ ىشىندە پاۆلودار وبلىسىندا 197 ميلليون ەۆرو سوماسىنا "بوگاتىر كومىر" ج ش س وندىرىستىك پروسەستەرىن جاڭعىرتۋ، الماتى وبلىسىندا 32 ميلليارد تەڭگەگە "نۇر جولى" اۆتوكولىك وتكىزۋ پۋنكتىنىڭ قۇرىلىسى، تۇركىستان وبلىسىندا 22 ميلليارد تەڭگەگە سۋ ەلەكتر ستانسياسىن سالۋ جوبالارى بار. 2019 جىلى ەرەيمەنتاۋ قالاسىنىڭ اۋدانىندا قۋاتتىلىعى 50 مۆت بولاتىن جەل ەلەكتر ستانسياسىنىڭ قۇرىلىسى قارجىلاندىرىلادى.

بانكتىڭ تابىستى جۇمىسىنىڭ ناتيجەلەرى بويىنشا بيىل ناۋرىز ايىندا Standard&Poor's حالىقارالىق اگەنتتىگى "BBB" دەڭگەيىنە دەيىن ەۋرازيالىق دامۋ بانكىنىڭ نەسيە رەيتينگىن ارتتىردى. قازاقستاننىڭ پرەمەر-مينيسترى اسقار مامين ەادب ەۋرازيالىق ەكونوميكالىق وداققا مۇشە مەملەكەتتەردىڭ ىنتىماقتاستىعىن دامىتۋعا جانە بىرلەسكەن جوبالاردى قارجىلاندىرۋعا ءوز ۇلەسىن قوساتىنىن اتاپ ءوتتى.

"ورتاق مىندەت - ءبىزدىڭ ينتەگراسيالىق ينۆەستيسيالىق جوبالاردىڭ تيىمدىلىگىن ارتتىرۋ"، - دەدى مامين.

ۇسىنعان: ماقپال سەمباي