قياناتقا مەن قالايشا توزەرمىن؟
كونە المايمىن الداۋ مەنەن ايداۋعا:
الاش وردا، جەلتوقسان مەن وزەننىڭ
رۋحى قولداپ مەن تۇسەمىن سايلاۋعا!

قازاعىمدى كۇتىپ العاي جارقىن كۇن،
جايىلماسىن جەمقور جاعا جايلاۋعا!
بيلىك سەزسىن بار ەكەنىن حالقىمنىڭ -
سوندىقتان دا مەن تۇسەمىن سايلاۋعا!

بىلە بىلسەڭ، ەل قالاۋى – كيەلى!
قالىپ قويماي ادامزاتتىڭ كوشىنەن -
ءبىر ادامعا تابىنعان بۇل جۇيەنى
پارلامەنتتىك فورماعا مەن كوشىرەم!

جاقسى ءومىر كەرەك بۇگىن، تىرىگە!
جىلى سوزبەن جۇباتامىن شەرلىنى!
تابىندىرىپ «حالىق» دەگەن پىرىنە
ءتاۋباسىنا كەلتىرەمىن شەندىنى!

حالقىم، مەنى باس بيلىككە وكىل ەت!
سىن ساعاتتا تانىتارسىڭ دانالىق!
وتىز جىلداي وزگەرمەدى وكىمەت
قازاعىما كەرەك-اۋ ءبىر جاڭالىق!

جەتى ادام تالاستى ءبىر ورىنعا
بۇل كۇندەرى ۇمىتپەنەن قاۋىشتى ەل:
ەندى ءبارى سايلاۋشىنىڭ قولىندا -
الاش جۇرتىم! ءوز ۇلىڭا داۋىس بەر!