«بوستونداعى لاڭكەستىك اكتىنى ۇيىمداستىرعان باستى كۇدىكتىلەر انىقتالعاننان كەيىن اقش قۇقىق قورعاۋ ورگاندارى ولارعا جاقىن جانە تانىس بولۋى مۇمكىن ادامداردى تەكسەرۋگە كىرىستى. اسىرەسە، قۇقىق قورعاۋ ورگاندارى كۇدىكتىلەرمەن بىرگە وقىعان جانە قانداي دا ءبىر جاعدايمەن ولارمەن قاتىناستا بولۋى مۇمكىن ستۋدەنتتەردەن جاۋاپ الدى. جۇرگىزىلىپ وتىرعان تەكسەرىس اياسىندا ەكى قازاقستاندىق ستۋدەنتتىڭ وقۋ بارىسىندا اقش ۆيزالىق رەجيمىن بۇزعاندىعى انىقتالىپ، وسىعان وراي ءمان-جاي تولىق انىقتالعانشا ولار ۇستالىپ وتىر»، دەپ حابارلايدى ءسىم. «قازىرگى ۋاقىتتا ءبىزدىڭ كونسۋلىمىز بوستون قالاسىنا جەتىپ، اقش بيلىك ورگاندارىمەن ىنتىماقتاسۋدا جانە ۇستالعان ستۋدەنتتەر جانە ولاردىڭ وتباستارىمەن بايلانىستا. قازاقستاندىق ديپلوماتتار ولارعا ادۆوكات تاۋىپ بەرۋ ماسەلەسىندە قولعابىس كورسەتۋدە»، - دەيدى بۇدان ءارى. «ق ر سىرتقى ىستەر مينيسترلىگى اقش مەملەكەتتىك دەپارتامەنتى جانە استاناداعى ەلشىلىگىمەن وسى ماسەلە بويىنشا بايلانىستا. بۇل ماسەلە بويىنشا اقش مەملەكەتتىك ورگاندارىمەن ىنتىماقتاستىققا اشىق ەكەنىمىزدى قايتا راستاپ، قازاقستان لاڭكەستىكتى جانە ونىڭ كەز كەلگەن تۇرلەرىن قاتاڭ تۇردە كىناراتتايتىنىن باسا ايتامىز» ، دەيدى سىرتقى ىستەر مينيسترلىگى. بۇدان بۇرىن

، اقش-تىڭ قۇقىق قورعاۋ ورگاندارى بوستونداعى جارىلىستى ۇيىمداستىرۋى مۇمكىن دەگەن ەكى ادامنىڭ ءبىرىن ءولتىرىپ، ەكىنشىسىن جارالى كۇيىندە قولعا ءتۇسىردى. اعايىندى تامەرلان مەن دجوحار سارنايەۆتار بوستوندا 15 ءساۋىر كۇنگى مارافون كەزىندەگى جارىلىستى ۇيىمداستىردى دەگەن كۇدىكپەن ىزدەستىرىلگەن ەدى. بوستونداعى جارىلىستا 3 ادام قازا تاۋىپ، 180 ادام جارالانعان.