مەملەكەت قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ەكى ۆەدومستۆوعا ءبولىندى دەپ حابارلايدى Qamshy.kz اقپارات اگەنتتىگى. بۇل تۋرالى اقپارات اقوردا سايتىندا جاريالاندى.
قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى بولىپ وزگەردى. ءمقىا - مەملەكەتتىك قىزمەت جۇيەسىن جانە سىبايلاس جەمقورلىققا قارسى ءىس-قيمىلدى ودان ءارى جەتىلدىرۋ ماقساتىندا جۇمىس ىستەيتىن بولادى.
ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى (سىبايلاس جەمقورلىققا قارسى قىزمەت) ق ر پرەزيدەنتiنە تىكەلەي باعىناتىن جانە ەسەپ بەرەتىن مەملەكەتتىك ورگان رەتىندە ق ر سىبايلاس جەمقورلىققا قارسى ءىس-قيمىل اگەنتتىگى بولىپ وزگەردى.
سىبايلاس جەمقورلىققا قارسى ءىس-قيمىل اگەنتتىگى سىبايلاس جەمقورلىق قىلمىستىق قۇقىق بۇزۋشىلىقتارىن انىقتاۋدى، جولىن كەسۋدى، اشۋدى جانە تەرگەۋدى جۇزەگە اسىراتىن قۇقىق قورعاۋ ورگانى بولادى.
ەكى ۆەدومستۆو دا ق ر پرەزيدەنتىنە تىكەلەي باعىناتىن جانە ەسەپ بەرەتىن بولادى.
قازاقستان رەسپۋبليكاسى پرەزيدەنتىنىڭ قاراۋىنا قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ جانە قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەت) توراعالارىمەن بىرلەسىپ: اگەنتتىكتەر تۋرالى ەرەجەلەردىڭ جوبالارىن؛
وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
