كەشە، ياعني، 12 ماۋسىمدا الماتى قالاسىندا پوليسيا حالىق كوپ جۇرەتىن بىرنەشە اۋماقتى قورشاۋعا الىپ، كوشەدە كەتىپ بارا جاتقان كوپتەگەن ادامدى ۇستاعان. ۇستالعانداردىڭ اراسىندا ب ا ق وكىلدەرى بولدى دەپ جازادى Qamshy.kz اقپارات اگەنتتىگى.
پوليسيا ۇستاعان ءجۋرناليستىڭ ءبىرى ەرجان ءابدىرامان ۇستالعاندار وتىرعان اۆتوبۋستاعى وقيعانى ۆيدەوعا ءتۇسىرىپ، ءوزىنىڭ پاراقشاسىنا جۇكتەگەن. اتالمىش ۆيدەودا ۇستالعاندار شۋ شىعارىپ، پوليسيا قىزمەتكەرلەرى اۆتوبۋس ەسىگىن اشۋعا ءماجبۇر بولادى. پوليسيادان اۆتوبۋس ەسىگىن اشۋدى تالاپ ەتكەندەردىڭ اراسىندا ءۇش ايەل ادام بار.
