حوككەيدەن رەسەي قۇراماسىنىڭ بۇرىنعى قاقپاشىسى ماكسيم سوكولوۆتىڭ ايەلى يرينا  سوكولوۆا كىسى قولىنان قازا تاۋىپ، ۇلى كىشى-ماكسيم سوكولوۆ اۋرۋحانانىڭ جانساقتاۋ بولىمىندە جاتىر دەپ جازادى Qamshy.kz اقپارات اگەنتتىگى sport-express.ru سايتىنا سىلتەمەجاساپ.

رەسەيلىك سايتتىڭ جازۋىنشا، حوككەيشىنىڭ وتباسىنداعى قايعىلى وقيعا 13 ماۋسىمدا بولعان.  بەيسەنبى كۇنى پەتەربۋرگ ماڭىنداعى رومانكا قونىسىندا سوكولوۆتىڭ 15 جاستاعى كىشى ۇلى ارسەنيي كوشەگە جۇگىرىپ شىعىپ، كورشىلەرىن كومەككە شاقىرعان. ول اعاسى ماكسيمنىڭ  (قاقپاشىنىڭ ۇلكەن ۇلىنىڭ) ەسىنەن اۋىپ، اناسىن ولتىرگەلى جاتقانىن ايتقان. ارسەنيي زەينەتكەر كورشىسىنىڭ بىرىمەن ۇيىنە قايتادان كىرگەندە  يرينانىڭ ءولى دەنەسى مەن ونىڭ جانىندا 18 جاستاعى كىشى-ماكسيمنىڭ قانسىراپ، جارالى جاتقانىن كورگەن. سودان بەرى تەرگەۋ جۇمىستارى ءجۇرىپ جاتىر. سوكولوۆتىڭ ۇلكەن ۇلى اۋرۋحانادا جان ساقتاۋ بولىمىندە جاتىر.

كىشى ۇلى ارسەنييدىڭ ايتۋىنشا، اناسىمەن اڭگىمەسى جاراسپاي قالعان اعاسى كىشى-ماكسيم شەشەسىنە پىشاق الا جۇگىرگەن. سودان كەيىن وزىنە دە قول جۇمساۋى مۇمكىن ەكەن. ال تەرگەۋشىلەر بۇل جاعدايدىڭ مۇلدە باسقاشا جاعدايدا ءوربۋى ىقتيمال ەكەندىگىن جوققا شىعارمايدى.

رەسەيلىك باسىلىمداردىڭ جازۋىنشا، ءقازىر حوكەيشىنىڭ وتباسىنداعى قاندى وقيعاعا بايلانىستى ءار ءتۇرلى نۇسقالارى قاراستىرىلىپ جاتىر. سەبەبى قاقپاشى سوكولوۆتىڭ كىشى ۇلىنىڭ قىلىقتارى – تىم كۇدىكتى. اناسىنىڭ ءولى دەنەسىن كورىپ، اشۋ-ىزاعا ەرىك بەرىپ، اعاسىن ءوزى جاراقاتاۋى دا مۇمكىن. ءتىپتى اناسىن دا ولتىرگەن كىشى ۇلى بولۋى ىقتيمال. كەيىنگى جىلدارى سەمسەرلەسۋ سپورتىمەن اينالىسىپ جۇرگەن ارسەنييدىڭ پىشاق ۇستاۋ بىلەتىندىگىنە پوليسيا قىمەتكەرلەرى ءشۇبا كەلتىرمەيدى.

رەسەيلىك باسىلىمداردىڭ سوڭعى مالىمەتىنشە، اتالعان وقيڭعاعا بايلانىستى ارسەنيي سوكالوۆ اناسى باس كۇدىكتى رەتىندە قاماۋعا الىندى. 

ماكسيم سوكالوۆ 2000 جىلدارى حوككەيدەن رەسەي قۇراماسىنىڭ قاقپاشىسى بولعان. ول تۋرين وليمپياداسىنا قاتىسقان، الەم چەمپيوناتىنىڭ كۇمىس جانە قولا جۇلدەگەرى. ماكسيم سوكولوۆ ءقازىر شايبالى حوككەيدەن پەتەربوردىڭ سكا كلۋبىنىڭ جاستار قۇرامىنداعى قاقپاشىلاردى جاتتىقتىرادى. ال ۇلكەن ۇلى، ياعني كىشى ماكسيم – سكا-1946 كلۋبىندا قاقپاشى. كىشى ۇلى ارسەنيي بولسا، ءاۋ باستا بالالار كومانداسىنىڭ قاقپاشىسى بولعان. ودان كەيىن سەمسەرلەسۋ سپورتىمەن اينالىسا باستاعان.  ايتا كەتەيىك، ۇلكەن-ماكسيم ايەلى يرينامەن 2017 جىلى اجىراسىپ كەتكەن.