جارتىلاي ورتا سالماقتاعى قازاقستاندىق بوكسشى ساعادات راحمانقۇلوۆ (5-1، 3 كو) كاسىبي رينگتەگى كەزەكتى كەزدەسۋىن وتكىزدى دەپ حابارلايدى Qamshy.kz اقپارات اگەنتتىگى Sports.kz.سايتىنا سىلتەمە جاساپ.
ول مەكسيكانىڭ تيحۋانا قالاسىنداعى بوكس كەشى اياسىندا جەرگىلىكتى سپورتشى دانيەل ارماندو ۆالەنسۋەلامەن (36-37-2، 21 كو) جەكپە-جەك وتكىزدى.
جەكپە-جەك التى راۋندقا ەسەپتەلگەن، ءبىراق قازاقستاندىق ونى بەسىنشى راۋندتا مەرزىمىنەن بۇرىن جەڭىسپەن اياقتادى. بۇل – راحمانقۇلوۆتىڭ مەكسيكاداعى العاشقى جەكپە-جەگى. مۇنىڭ الدىندا ول اقش-تا جۇدىرىقتاسقان. كاسىبي دەڭگەيدەگى جالعىز جەڭىلىستى قاراشا ايىندا پۋەرتوريكولىق نيكلاۋس فلاستان تاپقان. قازاقستاندىقتىڭ مۇددەسىن تانىمال ۆاسيليي لوماچەنكو مەن تەرەنس كروۋفورد سياقتى جۇلدىزدارمەن جۇمىس ىستەيتىن Top Rank پەن بوب ارۋم پروموۋتەرلىك كومپانياسى قورعايدى.
