ينجەنەرلىك-ساپەرلەر بولىمشەلەرى ارىس قالاسىنىڭ ىشكى اۋماعىن تازارتۋ جۇمىسىن اياقتاپ، قويما اۋماعىن تازارتۋعا كىرىستى. سونىمەن قاتار اسكەري قالاشىقتى قالپىنا كەلتىرۋ جۇمىستارىن جالعاستىرۋدا، دەپ حابارلايدى Qamshy.kz اقپارات اگەنتتىگى.
قورعانىس مينيسترلىگى باسپا ءسوز قىزمەتىنىڭ مالىمەتىنشە، اپتا سايىنعى ساپار بارىسىندا قورعانىس ۆەدومستۆاسىنىڭ باسشىسى قويمانى ساپالى تازارتۋ، سونداي-اق جەرگىلىكتى حالىقتىڭ قاۋىپسىزدىگىن قامتاماسىز ەتۋ ءبىرىنشى دەڭگەيدەگى ماڭىزدى مىندەت ەكەنىن ەسكەرە وتىرىپ، قالانى جوندەۋ جۇمىستارىن تەكسەردى جانە ءىس-شارانى اتقارۋ ناتيجەلەرى تۋرالى باياندامالاردى تىڭدادى. ساپار قورىتىندىسى بويىنشا قورعانىس ءمينيسترى ءار قاراي قالپىنا كەلتىرۋ جانە جويۋ جۇمىستارىنا قاتىستى ءبىرقاتار تاپسىرمالار بەردى.
ارىستا توتەنشە جاعدايدىڭ سالدارىن جويۋ جونىندە قوسالقى جاساقتىڭ اسكەري قىزمەتشىلەرى جۇمىسىن جالعاستىرىپ جاتقانىن ايتا كەتكەن ءجون. ءوق-دارى بولشەكتەرىن ىزدەۋگە، تابۋعا جانە جويۋعا ينجەنەرلىك-ساپەرلەر توپتارى جىبەرىلدى. وسى ارالىقتا ولار 150 مىڭنان استام قالدىقتاردى تاپتى. بۇگىنگى كۇنگە دەيىن ساپەرلەر 1 250،7 شارشى كم اۋماعىن تولىق تازارتتى، سالىستىرمالى تۇردە بۇل اۋماق سينگاپۋر مەملەكەتىنىڭ ەكى اۋماعىنا تەڭ بولادى.
جەرگىلىكتى حالىقپەن ءوق-دارى تابىلاتىن جەرگە شۇعىل جەتەتىن ءموبيلدى توپ جۇمىس جاسايدى. ءوز تاراپىنان قورعانىس مينيسترلىگى تاعى دا ءوق-دارى بولشەكتەرىن نەمەسە كۇدىكتى زاتتاردى تاپقان جاعدايدا تەز ارادا ساپەرلەر ءموبيلدى توبىنا حابارلاۋدى جانە ءوز بەتىنشە ەشقانداي ىس-ارەكەت جاساماۋدى ەسكەرتەدى.
پىكىر قالدىرۋ