كوكشەتاۋلىق "وقجەتپەس" جاستار كلۋبىنىڭ فۋتبولشىسى رومان ءزيۋزيننىڭ نەدەن قايتىس بولعانى بەلگىلى بولدى دەپ حابارلايدى Qamshy.kz اقپارات اگەنتتىگى Sputnik قازاقستان.
فۋتبول كلۋبى جاس سپورتشىنىڭ سەسپيستەن (ىرىڭدەۋ) كوز جۇمعانىن ايتتى. وتكەن دەمالىس كۇندەرى رومان ءزيۋزيننىڭ ىستىعى كوتەرىلىپ، اۋرۋحاناعا جاتقازىلىپتى.
فۋتبولشىنىڭ ءولىمى تۋرالى 14 تامىزدا حابارلانعان.
"جاقىن ادامنان، دوستان ايىرىلۋ قانداي قايعى. مىقتى، دەنساۋلىعى زور جاستاردىڭ قازا بولۋى ودان وتكەن قاسىرەت. "وقجەتپەس" فۋتبول كلۋبى رومان ءزيۋزيننىڭ تۋىستارى مەن جاقىندارىنا كوڭىل ايتادى. رومان كوكشەتاۋلىق "وقجەتپەس" كلۋبىنىڭ جاستار كومانداسىندا ويناعان بولاتىن" – دەلىنگەن كوماندانىڭ رەسمي سايتىندا.
جاس ويىنشىمەن قوشتاسۋ ءراسىمى 16 تامىزدا كوكشەتاۋ قالاسىنداعى "وقجەتپەس" كومانداسىنىڭ ستاديونىندا وتەدى. الدىن الا مالىمەت بويىنشا ءراسىم تاڭعى ساعات 11.00-دە باستالادى.
پىكىر قالدىرۋ