ق ر سىبايلاس جەمقورلىققا قارسى ءىس-قيمىل اگەنتتىگىنىڭ نۇر-سۇلتان قالالىق دەپارتامەنتى "استانا سۋ ارناسى" رمك بۇرىنعى باس ديرەكتورى ۆ.دوسايەۆقا قاتىستى سوتقا دەيىنگى تەرگەۋ شارالارىن مەرزىمىنەن بۇرىن اياقتادى دەپ حابارلايدى Qamshy.kz اقپارات اگەنتتىگى قازاقپارات سايتىنا سىلتەمە جاساپ.
جەمقورلىققا قارسى قىزمەت تاراتقان مالىمەتتەرگە قاراعاندا، دوسايەۆ مەملەكەتتىك كوممۋنالدىق كاسىپورىننىڭ باس ديرەكتورى بولىپ جۇمىس ىستەپ جۇرگەن كەزىندە قاراماعانداعى قىزمەتكەر ارقىلى "تەحنوپوليسجيلستروي" ءجشس-نىڭ باسشىسىنان "جاس وتباسى-2" تۇرعىن ءۇي كەشەنىنەن 3 بولمەلى پاتەر جانە 60 مىڭ دوللار كولەمىندەگى پارانى جىلجىمايتىن مۇلىكتى جشس-گە بەرۋ قوسىمشا كەلىسىمشارتىن جاساعانى ءۇشىن العان.
"بيىلعى جىلدىڭ 14 تامىزىندا نۇر-سۇلتان قالالىق قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن دوسايەۆ 7 جىلعا باس بوستاندىعىنان ايىرىلدى. ول جازاسىن قاۋىپسىزدىگى تومەن تۇزەۋ مەكەمەسىندە وتەيدى. سوتتالۋشى ءومىر بويى مەملەكەتتىك قىزمەتتە لاۋازىمدى قىزمەت اتقارۋ قۇقىعىنان ايىرىلدى"، - دەپ اتاپ وتەدى ۆەدومستۆودان.
پىكىر قالدىرۋ