1 ماۋسىمنان باستاپ بۇگىنگى كۇنگە دەيىن "جاسىل ەل" جاساعى ايتارلىقتاي ناتيجەلەرگە قول جەتكىزدى. اتاپ ايتساق، 25-تەن استام ەكولوگيالىق اكسيا ۇيىمداستىرىپ، وبلىس اۋماعىنان 180 تەكشە مەتر قوقىس شىعارعان، سوداي-اق، 9 000-نان استام اعاشتى سۋارىپ رەتكە كەلتىردى، – دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

اعىمداعى جىلدىڭ ماۋسىم-شىلدە ايلارىندا 2 000-نان استام سارباز قالا مەن وبلىس اۋداندارىنىڭ اۋماعىنداعى 1467 گەكتار جەردى تازالادى. بۇدان بولەك، كۇزگى ماۋسىمدا "جاسىل ەل" ساربازدارى مۇنايلى ولكەنى كوگالداندىرۋ بويىنشا كەڭ اۋقىمدى جۇمىستاردى جوسپارلاپ وتىر.

– "جاسىل ەل" جاساعى 1 ماۋسىمنان 31 قازانعا دەيىن جۇمىس جاسايدى. قازىرگى ۋاقىتتا جاستار ەلدىمەكەندەردى اباتتاندىرۋ، جاسىل جەلەكتەردى كۇتۋ، سۋارۋ بويىنشا جۇمىستار جۇرگىزىپ جاتىر. بارلىعى 2 200 سارباز بار، ولاردىڭ 199ء-ى كۇزگى ماۋسىمدا جۇمىس جاسايتىن بولادى. جاستار كوشەتتەردى وتىرعىزۋ بويىنشا ەڭبەك ەتەدى، – دەيدى "جاسىل ەل" جاستار ەڭبەك جاساعىنىڭ باسشىسى ابىلاي قۇرمەت ۇلى.