شولپان قارينوۆا قازاقستاننىڭ ءبىلىم جانە عىلىم ۆيسە-مينيسترى قىزمەتىنە تاعايىندالدى دەپ حابارلايدى Qamshy.kz اقپارات اگەنتتىگى. بۇل تۋرالى پرەمەر-مينيستردىڭ باسپا ءسوز قىزمەتى جازدى.
شولپان قارينوۆا 1972 جىلى دۇنيەگە كەلگەن.
1994 جىلى ش.ءۋاليحانوۆ اتىنداعى كوكشەتاۋ پەداگوگيكالىق ينستيتۋتىن ءتامامدادى. "قازاق مەكتەبىندەگى ورىس ءتىلى جانە ادەبيەتى ءپانىنىڭ ءمۇعالىمى" ماماندىعى بويىنشا ءبىلىم العان. 2016 جىلى ومبى قالاسىنداعى مەملەكەتتىك پەداگوگيكالىق ۋنيۆەرسيتەتىن ءبىتىردى. "پەداگوگيكالىق ءبىلىم" ماگيسترى اتاندى.
ەڭبەك جولىن 1994 جىلى اۋىل مەكتەبىندە ءمۇعالىم بولىپ باستاعان. كوللەدج وقىتۋشىسى، مەكتەپ ديرەكتورى قىزمەتتەرىن اتقاردى.
2005 - 2018 جىلدار ارالىعىندا سولتۇستىك قازاقستان وبلىسى ءبىلىم باسقارماسىندا، قازاقستاننىڭ ءبىلىم جانە عىلىم مينيسترلىگىندە ىستەدى.
2018 جىلدىڭ قازان ايىنان باستاپ قازىرگى ۋاقىتقا دەيىن "نازاربايەۆ زياتكەرلىك مەكتەپتەرى" پەداگوگيكالىق شەبەرلىك ورتالىعى ديرەكتورىنىڭ ورىنباسارى بولعان.
پىكىر قالدىرۋ