ءتىپتى، وقۋ جىلى باستالعالى مۇعالىمدەر ساباقتى ۋاقىتىلى وتكىزۋدى دە قويدى دەپ شاعىم ايتىپ وتىر. بۇل قانشالىقتى راس؟ ماقتاۋلى مەكتەپ-ليسەيدە قازاق سىنىبىن تاراتىپ جىبەرۋگە نە سەبەپ بولدى؟ بۇل تۋرالى ەۋرازيا ءبىرىنشى ارناسى حابارلايدى. 

"بۇگىن مىسالى بالام ساباقتا وتىرىپ جازدى، ءبىز پروستو وتىرمىز، ساباق جوق. تەك فيزكۋلتۋرا ساباعى بولدى دەپ".

راۋشان الماحانوۆا سەكىلدى 10 اتا-انا بالالارىنان وسىنداي حابارلاما العاندا، توبە شاشتارى تىك تۇرعان. پەرزەنتتەرى قالاداعى ماقتاۋلى دەگەن №27 مەكتەپ-ليسەيدىڭ 10-قازاق سىنىبىنا بارادى ەكەن. ءبىلىم وشاعىنداعى 1600-گە جۋىق وقۋشىنىڭ 400ء-ى قازاق سىنىپتارىندا وقيدى. الايدا اتا-انالار قازاق سىنىبىن جاساقتاۋعا ءبىلىم وشاعىنىڭ باسشىلىعىنىڭ ءوزى قۇلىقسىز ەكەنىن العا تارتادى.

راۋشان الماحانوۆا، تۇرعىن: "اۆگۋستىڭ 26-نا سوبرانيە جاساعان. سول كەزدە كەيبىر بالالارعا كەلەسىدە ەنت تاپسىرا المايسىڭدار دەگەن. ءسويتىپ، كوبىسى كەتىپ قالعان. قالعان وقۋشىلار قالدى، پوتومۋ چتو، ناقتى ايتپاعان كلاسس جابىلادى دەپ. زاياۆلەنيە الىپ قالعان 10-كلاسقا ءوتۋ ءۇشىن. 30 اۆگۋست بىزگە ءبىر كۇن قالعاندا كلاسس جابىلادى دەدى. سول كەزدە ءبىز وبلاستنوي اكيماتقا باردىق جينالىپ. ولار جابىلمايدى، قالدىرامىز دەدى. 1 سەنتيابردە كەلدىك. ەكىنشى سەنتيابر بالالار كەلدى. دۇرىس ساباق وتكەن جوق".

ءمان-جايدى بىلۋگە مەكتەپكە كەلدىك. ديرەكتوردىڭ مىندەتىن اتقارۋشى وقۋشىلاردىڭ "ساباق وتپەي جاتىر" دەگەنى قاۋەسەت دەپ، ساباق كەستەسى تۇرعان تاقتاعا الىپ كەلدى. 

– بىزگە ءدال جاڭاعى قازاق كلاسىنىڭ بۇگىنگى ساباق كەستەسىن كورسەتىڭىزشى. ولار مىنا فيزرا عانا بولدى دەپ وتىر.
–  زاچەم ۆرات؟! كوگدا يا پريحوديلا، "قازاق ادەبيەتى" شلو. 

"ءۇش ساباق بويى قول قۋسىرىپ وتىردىق" دەگەن وقۋشىلار وتىرىك ايتتى ما، جوق الدە مەكتەپ باسشىلىعى جالعان سويلەدى مە، ول جاعى بىزگە بەيمالىم بولىپ قالدى. ءقازىر 10-قازاق سىنىبىنا 11 بالا عانا بارىپ ءجۇر ەكەن. 9-سىنىپتى 26 بالا تامامداعانىمەن كەيىن 10-ى كوللەدجدەرگە وقۋعا تۇسسە، قالعاندارى ءوز ەرىكتەرىمەن باسقا مەكتەپتەرگە اۋىسىپتى. قالعان 11 وقۋشى وسى ليسەيدى اياقتايمىز دەپ قالعان. مەكتەپ باسشىلىعى بۇل جەردە قازاق كلاستارىنا شۇيلىگىپ وتىرعان تۇگىمىز جوق، وقۋشى جينالماي وتىر دەيدى. 

التىنگۇل عالييەۆا، 27 مەكتەپ-ليسەي ديرەكتورىنىڭ مىندەتىن اتقارۋشى: «ەسلي نام رازرەشات، مى داجە ترەميا وتكروەم ي نە مى وتكرىۆاەم، ەتو كومپەتەنتنىە ۆىشەستوياششيە رەشايۋت. 
– گورونو ما؟
– دا

قازاق سىنىبىن قالدىرسىن دەپ جۇرگەن اتا-انالاردىڭ جانايقايىن قالالىق قانا ەمەس، وبلىستىڭ اتقارۋشى بيلىگى دە ەستىپتى. ماسەلەنى شەشۋگە ءبىلىم بولىمىنە تاپسىرما بەرگەن. الايدا، 11 بالا ءۇشىن ءبىر سىنىپتى ۇستاپ وتىرۋ – ءتيىمسىز دەپ وتىر. 

سايان سۇلەيمەنوۆ، قالالىڭ ءبىلىم ءبولىمىنىڭ باسشىسى: "ەرەجە بويىنشا ءبىر كلاستا قالالىق جەرلەردە 25 بالادان كەم بولماۋى كەرەك. سوندىقتان، قوسىمشا 10 كلاسس اشۋ وسى كەزگە دەيىن مۇمكىن بولعان جوق. 11 بالامەن ءبىر كلاسس ۇستاپ وتىرۋ ءبىر جاعىنان ەكونوميكالىق جاعىنان ءتيىمسىز. اتا-انالار نارازىلىعىن بىلەمىز، تالاپ بويىنشا قالدىرۋدى سۇراپ وتىر. وقۋ پروسەسى توقتامايدى. بالالار ساباعىن جالعاستىرا بەرەدى".

قازاق سىنىبىنىڭ وقۋشىلارى ءوز مەكتەپتەرىندە قاي ۋاقىتقا دەيىن قالاتىندىعى ازىرگە بەلگىسىز. سىنىپتى ساقتاپ قالۋ ءۇشىن وقۋشى كەرەك. قالالىق ءبىلىم ءبولىمى، مەكتەپ باسشىلىعى بار، اتا-انالار بار، بارلىعى جابىلىپ ءقازىر بالا سانىن تولتىرۋدىڭ قامىن قاراستىرىپ جاتىر.