جامبىل وبلىسى اكىمدىگىنىڭ ءبىلىم باسقارماسىنىڭ ۇيىمداستىرۋىمەن 2019 جىلعى 1 شىلدەدەن «مەكتەپكە جول» ءداستۇرلى جالپى رەسپۋبليكالىق اكسياسى وتكىزىلۋدە. اكسيا جىل بويى جالعاسادى دەپ جازادى Qamshy.kz اقپارات اگەنتتىگى. 

«مەكتەپكە جول» قايىرىمدىلىق اكسياسىن ۇيىمداستىرۋ جانە وتكىزۋ جونىندە وڭىرلىك ءىس-شارالار جوسپارى ازىرلەنىپ، وبلىس اكىمدىگى تاراپىنان بەكىتىلدى.

2019 جىلدىڭ 15 شىلدەسىندە اكسيا جونىندە اقپارات بەرۋ ماقساتىندا جامبىل وبلىسى اكىمدىگىنىڭ ىشكى ساياسات باسقارماسىنىڭ «وڭىرلىك كوممۋنيكاسيالار قىزمەتىندە» باسپا ءسوز كونفەرەنسياسى وتكىزىلدى.

اكسيا اياسىندا 2019 جىلدىڭ 1 شىلدە – 3 قىركۇيەك ارالىعىندا وبلىس بويىنشا 1195 رەيدتىك ءىس-شارا جۇرگىزىلدى، ونىڭ ىشىندە ساياجايلار مەن ساياجاي شارۋاشىلىقتارى بويىنشا – 124، شارۋاشىلىق، فەرمەرلىك ەگىستىكتەر بويىنشا – 159، بازارلار بويىنشا – 68، جاعدايى ناشار وتباسىلار بويىنشا – 390، كوپ قاباتتى ۇيلەردەگى جەرتولەلەر بويىنشا – 136، اۆتوجۋۋ، جانارماي قۇيۋ ستانسياسى بويىنشا – 85، تەمىر جول جانە اۆتوبۋس بەكەتتەرى بويىنشا – 46، كوڭىل كوتەرەتىن مەكەمەلەر بويىنشا – 101، كومپيۋتەرلىك كلۋبتار بويىنشا – 86.

رەيدتىك ءىس-شارالارعا ءبىلىم بەرۋ جانە بالالاردىڭ قۇقىعىن قورعاۋ ۇيىمدارىنىڭ وكىلدەرى-1163، ىشكى ىستەر ءبولىمىنىڭ قىزمەتكەرلەرى-47، حالىقتى الەۋمەتتىك قورعاۋ سالاسىنىڭ وكىلدەرى-17، ۇكىمەتتىك ەمەس ۇيىمدار وكىلدەرى-5، بۇقارالىق اقپاراتتىق قۇرالدار وكىلدەرى-8، اتا-انالار جۇرتشىلىعى - 465، بارلىعى 1705 تۇلعا قاتىستى.

اكسيا اياسىندا 2019 جىلدىڭ 1 شىلدە – 3 قىركۇيەك ارالىعىندا بارلىعى 25 160 بالاعا 336 ملن. 919 مىڭ تەڭگە، ونىڭ ىشىندە 20 325 بالاعا 285 ملن. 240 مىڭ تەڭگە جەرگىلىكتى بيۋدجەت ەسەبىنەن؛ 4885 بالاعا 51 ملن. 678 مىڭ تەڭگە دەمەۋشىلەر ەسەبىنەن ماتەريالدىق كومەك كورسەتىلدى.

ەسەپتى كەزەڭدە وبلىستىق جانە اۋداندىق گازەتتەردە 28 ماقالا جاريالانىپ، جەرگىلىكتى تەلەارنالاردا 1 بەينەسيۋجەت، 2 ينتەرۆيۋ اتالعان اكسيا تاقىرىبىندا كورسەتىلدى.

بۇگىنگى كۇنگە كوپ بالالى جانە از قامتىلعان وتباسىنان شىققان بالالاردىڭ سانى - 28230.

وتكەن جىلى «مەكتەپكە جول» اكسياسى بارىسىندا 32106 كوپ بالالى جانە از قامتىلعان وتباسىلاردان شىققان، جەتىم جانە اتا-اناسىنىڭ قامقورلىعىنسىز قالعان بالالارعا 324 ملن.752 مىڭ تەڭگەگە ماتەريالدىق كومەك كورسەتىلدى.

بۇگىنگى كۇنى وڭىرلىك ءىس-شارالار جوسپارىنا سايكەس جۇمىستار جالعاستىرىلۋدا.

ءبىلىم باسقارماسىندا جىل بويى ازاماتتاردىڭ وتىنىشتەرى بويىنشا جەدەل شارا قولدانۋ ماقساتىندا بايلانىس تەلەفوندارى قىزمەت ەتەدى: 43-88-32، 43-88-42، 43-88-41.

وسىنداي بايلانىس تەلەفوندارى بارلىق ءبىلىم بولىمدەرىندە دە قىزمەت ەتەدى.