سەمەي قالالىق ارباتتا ەلىمىزدىڭ بارلىق وڭىرىنەن جانە جاقىن شەتەلدەردەن كەلگەن شەبەرلەر مەن قولونەرشىلەر قالا تۇرعىندارىنا ءوز شىعارماشىلىعىن تانىستىرۋ ءۇشىن جينالدى.
شارا وبلىستىق اكىمدىكتىڭ قولداۋىمەن قالالىق دوستىق ءۇيى وكىلدەرىنىڭ ۇيىمداستىرۋىمەن وتكىزىلدى.
– ساندىك-قولدانبالى ونەر فەستيۆالى "رۋحاني جاڭعىرۋ" باعدارلاماسى اياسىندا وتكىزىلىپ جاتىر. بۇگىن مۇندا شىعىس قازاقستان، قىزىلوردا، اقتاۋ جانە پاۆلوداردان 70-تەن استام شەبەر جينالدى. سونداي-اق رەسەيدەن ارنايى قوناقتار شاقىرىلدى. ءىس-شارانىڭ باستى ماقساتى – ءبىزدىڭ شەبەرلەردىڭ جۇمىسىن جانە قولدانبالى شىعارماشىلىقتىڭ جىل سايىن دامىپ وتىراتىنىن كورسەتۋ. شارا بارىسىندا قازاقستاننىڭ شىعارماشىلىق ۇجىمدارىنىڭ قاتىسۋىمەن مەرەكەلىك كونسەرت وتەدى، – دەيدى قالالىق دوستىق ءۇيىنىڭ ديرەكتورى نادەجدا شاروۆا.
فەستيۆال سوڭىندا ۇزدىك جۇمىستاردىڭ اۆتورلارى باعالى سىيلىقتار مەن ەستەلىك سەرتيفيكاتتارعا يە بولادى.
سەمەي قالاسىنىڭ اقپاراتتىق ورتالىعى
پىكىر قالدىرۋ