جانتۇرشىگەرلىك تەمىرجول اپاتىنان شوشىپ قالعان الماتى وبلىسىنداعى شامالعان بەكەتىنىڭ تۇرعىندارى شەنەۋنىكتەردەن كوپىر سالىپ بەرۋدى تالاپ ەتتى. ونداعان ادام بۇگىن ەلدىمەكەندەگى اكىمدىك عيماراتىنىڭ الدىنا جينالدى. ولار اپات بولعان وتكەلدە ساعاتتاپ كەپتەلىپ تۇرۋدان مەزى بولعانىن ايتادى. جۇرتتىڭ مۇڭ-مۇقتاجىن تىڭداعان بيلىك وكىلدەرى كوپىر تۇرعىزىلاتىنىن مالىمدەدى. تەك ونىڭ ناقتى قاشان جاسالاتىنى بەلگىسىز دەپ جازادى Qamshy.kz اقپارات اگەنتتىگى كتك ارناسىنىڭ دەرەگىن نەگىزگە الىپ.
"وتكەلدە ءاردايىم كولىك كەپتەلىپ تۇرادى. بالالارىمىز تاڭەرتەڭ شىعىپ كەتەدى. كەشكىسىن بالالارىمىز ۇيگە كىرگەنشە، 12-گە دەيىن بىزگە ۇيقى، تىنىشتىق جوق. ونىڭ ۇستىنە، ءقاۋىپتى وتكەلدە قايعىلى وقيعا كوپ بولادى"، - دەيدى شامالعان بەكەتىنىڭ تۇرعىنى ساۋلە ەسەنعالييەۆا.
وقيعا ورنىندا ءتىل تارتپاي كەتكەن قوعامدىق كولىك جۇرگىزۋشىسىنىڭ جاقىندارى ول "جولاۋشىلاردى قۇتقارامىن دەپ قۇربان بولدى" دەپ ەسەپتەيدى.
"مەنىڭ بالامدى ەشكىم كىنالاماسىنشى. ول ءوزىنىڭ جۇمىسىن اتقاردى عوي. سول ادامدار ءۇشىن ءوزىن قۇربان ەتتى عوي. ادامداردى تۇسىرەمىن دەپ قازا بولدى"، - دەيدى مارقۇمنىڭ اناسى سيميزار ساراكوۆا.
قارا جامىلعاندار ەشكىمگە كىنا ارتپايدى. سوتقا دا شاعىمدانباق ەمەس. دەسە دە، ەلدىڭ ەسىن شىعارعان وقيعاعا كىنالىنى تەرگەۋ انىقتاۋى ءتيىس.
پىكىر قالدىرۋ