سەمەيدىڭ شاكارىم اتىنداعى مەملەكەتتىك ۋنيۆەرسيتەىندە اتالمىش وقۋ ورىننىڭ تۇلەگى،  "قازاقستاننىڭ 100 جاڭا ەسىمى"  جوباسىنىڭ جەڭىمپازى،  فيزيكا-ماتەماتيكا عىلىمدارىنىڭ كانديداتى، PhD دوكتور سەرىك نۇركەنوۆپەن كەزدەسۋ ءوتتى. شارا "رۋحاني جاڭعىرۋ" باعدارلاماسى نەگىزىندە وتكىزىلدى. سەرىك نۇركەنوۆ عىلىمعا ءوزىنىڭ جاڭاشىلدىعىن الىپ كەلگەن جان. ونىڭ مەكتەپ كەزىنەن فيزيكا مەن ماتەماتيكاعا بەيىم بولىپ، كەيىن وسى ماماندىقتاردى ودان ارى يگەرىپ كەتۋى تەگىننەن ەمەس. شاكارىم ۋنيۆەرسيتەتىنەن ل. گۋميليەۆ اتىنداعى ۇلتتىق ۋنيۆەرسيتەتىنە جولداما العان ول ماگيستراتۋرانى ءتامامداپ،  "بولاشاق"  باعدارلاماسى بويىنشا چيكاگو قالاسىندا ءبىلىمىن شىڭدايدى. ەلگە ورالىپ، ءار تاجيريبەسىن ءىس جۇزىندە كورسەتەدى.

– يادرولىق مەديسينا – بۇل ءتۇرلى كۇردەلى ونكولوگيالىق، كارديولوگيالىق جانە نيەۆرولوگيالىق اۋرۋلاردى دياگنوستيكالاۋ جانە ەمدەۋ جۇزەگە اسىرىلاتىن باعىت. مەديسينالىق فيزيكتەردىڭ مىندەتى – جىلدامداتىلعان تەحنيكانى، ياعني سيكلوترونداردى باسقارۋ. بۇل پوزيتروندى-ەميسسيالىق توموگرافتار، ءبىرفوتوندى ەميسسيالىق كومپيۋتەرلىك توموگرافيا. قازاقستاندا بۇنداي  جاڭا باعىت بويىنشا كادرلار دايىندالمادى. سول سەبەپتى دە مەنى، مەملەكەت ەسەبىنەن ءتۇرلى ءىرى ەۋروپالىق ورتالىقتارعا وقۋعا جىبەردى.  مەن گەرمانيا، سلوۆاكيا، اۆستريا، يتاليا ەلدەرىندە بولىپ، حالىقارالىق فورۋمدارعا قاتىستىم. بۇل مەديسينالىق فيزيكانىڭ بارلىق قىرلارىن زەرتتەۋگە مۇمكىندىك بەردى. ءبىزدىڭ ەلىمىزدە العاشقى مەديسينالىق فيزيك اتانۋىمنىڭ العاشقى باسپالداعى وسىلاي باستالعان ەدى، – دەدى س. نۇركەنوۆ.

بۇگىندە عالىمنىڭ قاتىسۋىمەن 17 مىڭنان استام تەكسەرۋ جۇرگىزىلگەن. سونىمەن قاتار  ول ستۋدەنتتەرگە ارنالعان "يادرولىق مەديسينانىڭ فيزيكالىق نەگىزدەرى" جانە "مەديسينادا يادرولىق قوندىرعىلاردى قولدانۋ" اتتى ەكى ارنايى كۋرستى ازىرلەدى.

شارا بارىسىندا قاتىسۋشىلار كوكەيلەرىندە جۇرگەن سۇراقتارىن قويىپ، عالىمنان تۇشىمدى جاۋاپ الا الدى. كەزدەسۋ سوڭىندا ۋنيۆەرسيتەت تۇلەگىنە رەكتور اتىنان العىس حات تابىستالدى.

– مەن بۇل ۋنيۆەرسيتەتتىڭ ستۋدەنتى بولعانىمدى ماقتانىشپەن ايتىپ جۇرەم. كوپتەگەن ۇلاعاتتى ۇستازداردىڭ ءتالىمىنىڭ ارقاسىندا وسىنداي جەتىستىككە جەتىپ وتىرمىن. بولاشاقتا وسى اتالعان سالا بويىنشا ءبىلىم الىپ جاتقان ستۋدەنتتەرگە جول كورسەتەمىن، – دەدى س. نۇركەنوۆ.

ايتا كەتەيىك، بۇگىندە دوكتور "جاسىل ەكونوميكا"  باعىتى بويىنشا قىزمەت ەتۋدە.

سەمەي قالاسىنىڭ اقپاراتتىق ورتالىعى