ۇلتتىق ساراپتاما ورتالىعى الماتى اۋاسىنىڭ لاستانۋ دەڭگەيى جوعارى ەكەنىن انىقتادى، – دەپ Qamshy.kz اقپارات اگەنتتىگى حابارلايدى

جىلدىق جوسپارعا سايكەس، ۇلتتىق ساراپتاما ورتالىعى قالانىڭ اۋا باسسەينىنىڭ جاي-كۇيىن انىقتاۋ ءۇشىن زەرتحانالىق مونيتورينگ جۇرگىزدى. 2019 جىلدىڭ ءبىرىنشى جارتىسىندا اتموسفەرالىق اۋاعا 1576 زەرتتەۋ جۇرگىزىلىپ، ونىڭ ىشىندە 431 سىنامادا سايكەسسىزدىك انىقتالدى.

"زەرتتەۋ بارىسىندا اتموسفەرالىق اۋانىڭ سانيتارلىق نورمالارىنا سايكەس ەمەستىگى انىقتالدى. ازوت ديوكسيدى مولشەرى رۇقسات ەتىلگەن كونسەنتراسيادان 2،2 ەسە، كۇكىرت ديوكسيدى 1،2 جانە كومىرتەك توتىعى 1،4 ەسەدەن استى. بۇل لاستاۋشى زاتتار نەگىزىنەن ەكولوگيالىق ءقاۋىپ تۋعىزىپ، ادام دەنساۋلىعىنا كەرى اسەر ەتەدى"، – دەپ حابارلادى ۇلتتىق ساراپتاما ورتالىعى.

اۋانىڭ لاستانۋى كوپ ادامدا قالىپتى جاعدايدا سەزىلمەگەنىمەن، دەنە تىندەرىندە وتتەگىنىڭ جەتىسپەۋشىلىگىن تۋدىرادى. بۇل كەزدە ادامنىڭ باسى اۋىرىپ، جۇرەگى اينىپ، ەسىنەن تانۋى مۇمكىن.

"ازوت ديوكسيدىنىڭ اۋادا بولۋى كومىرتەگى شىعاراتىن گازدارمەن ارەكەتتەسكەندە فوتوحيميالىق تۇماننىڭ پايدا بولۋىنا ىقپال ەتەدى. ازوت ديوكسيدى –  بۇل سارعىش-قوڭىر ءتۇستى گاز، ول كورۋ قابىلەتىن ناشارلاتادى، اۋاعا قوڭىر رەڭ بەرەدى، وتە ۋىتتى، برونحيت اۋرۋىن تۋدىرادى جانە اعزانىڭ تىنىس الۋ ورگاندارىنداعى اۋرۋلارعا توتەپ بەرۋىن تومەندەتەدى"، – دەپ ءتۇسىندىردى ماماندار.

ساراپشىلار قالاداعى اۋانىڭ لاستانۋىنىڭ نەگىزگى سەبەپتەرىن اتادى. ول – اۆتوكولىك قوزعالىسى كەزىندە بولىنەتىن كومىرتەك جانە كاسىپورىنداردان شىعاتىن زياندى زاتتار. سونداي-اق ماماندار كوپتەگەن كاسىپورىندار ءالى كۇنگە دەيىن ەسكىرگەن تەحنولوگيامەن جۇمىس ىستەيتىنىن اتاپ ءوتتى.