استانادا "جۋسان" وپەراسياسى اياسىندا ەلگە قايتارىلعان 14 قازاقستاندىققا قاتىستى سوت وتىرىسى ءوتىپ جاتىر. پروكۋرور ولاردىڭ كەيبىرىنىڭ جانتۇرشىگەرلىك قىلمىسىن جاريالادى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنىڭ دەرەگىن نەگىزگەە الىپ، 

پروكۋرور ەدىل مۇراتتىڭ ايتۋىنشا، سوتتالۋشىلاردىڭ ىشىندە گازينۇر باقىتجانوۆ پەن امانجول جانسەڭگىروۆ تەرروريستىك سيپاتتاعى روليكتەر تۇسىرگەن.

"دايش حالىقارالىق تەرروريستىك ۇيىمىنىڭ سودىرلارى جەرگىلىكتى ۇكىمەت اسكەرىمەن بولعان سوعىستا جەڭىسكە جەتكەندىكتەن، تەرروريستىك توپ مۇشەلەرى – جانسەڭگىروۆ پەن باقىتجانوۆ ۇيالى تەلەفوننىڭ كامەراسىن پايدالانىپ، بەينەروليك تۇسىرگەن"، - دەدى مۇرات.

ول روليكتە سودىر باقىتجانوۆ وزدەرىنىڭ از ادام شىعىنىمەن جەڭىسكە جەتكەندەرىن ماقتان تۇتىپ، جاۋدى ەشقانداي بەكىنىس قۇتقارا المايتىنىن ايتقان. سودان كەيىن اسكەري كيىمدە ءولىپ جاتقان ادامداردى قارۋمەن نۇسقاپ، ونى كاپىر دەپ اتاپ، اللاحتىڭ قالاۋىمەن وق ءتيىپ ءولدى دەگەن.

ساراپتاما اتالعان روليكتە ءدىني الاۋىزدىقتى قوزدىرۋ جانە تەرروريزمدى ناسيحاتتاۋ بەگىلەرىن انىقتادى.

"سونداي-اق، قارۋلى قاقتىعىستان كەيىن يگيل تەرروريستىك ۇيىمىنىڭ مۇشەلەرى ءتورت ادامنىڭ باسىن كەسىپ الىپ، جۇرتتى ۇرەيلەندىرۋ ماقساتىندا قالا كوشەلەرىنىڭ بىرىنە جەتى تاۋلىككە تاستاپ قويعان"، - دەپ اتاپ كورسەتتى پروكۋرور.

ولار بۇل ارەكەتتەرىمەن كوپشىلىك نازارىن اۋدارىپ، ادام بويىندا قورقىنىش پەن ۇرەي سەزىمىن تۋدىرۋدى كوزدەگەن.

"تەرروريستىك توپ مۇشەسى جانسەڭگىروۆ وسى باستاردىڭ ءبىرىن اياعىمەن باسىپ، قارۋ ۇستاپ تۇرىپ سۋرەتكە تۇسكەن. ول سۋرەت عالامتور ارقىلى كوپشىلىككە تاراپ كەتكەن"، - دەپ جالعاستىردى ەدىل مۇرات.

ونىڭ ايتۋىنشا، ساراپتاما كەزىندە فوتوسۋرەتتەگى ادام 1986 جىلى اقمولا وبلىسىندا تۋعان امانجول جانسەڭگىروۆ ەكەنى راستالعان.