ءبىلىم جانە عىلىم ءمينيسترى اسحات ايماعامبەتوۆ مەكتەپتەردە بوتەن ادامدار ءدارىس وقىماۋى كەرەكتىگىن ايتتى دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.
بۇل تۋرالى ول جۋرناليستەردىڭ "مۇحامەدجان تازابەك قازاقستاندىق مەكتەپتەردە لەكسيا وقىدى ما؟" دەگەن سۇراعىنا جاۋاپ بەرۋ كەزىندە ايتتى.
"مەكتەپتە ءىس-شارالالاردى تەك مۇعالىمدەر وتكىزە الادى. وسىعان بايلانىستى مۇحامەدجان تازابەك شارا وتكىزدى دەپ ايتۋ دۇرىس ەمەس. سەبەبى ونداي شارا وتكەن ەمەس. بىرەۋلەر جوسپارلادى دەپ تە ايتا المايمىن. ەگەر مەكتەپتە سونداي شارا وتكىزىلسە، مەن جاۋاپ بەرەر ەدىم. بولماعان سوڭ، ايتىپ تا كەرەك ەمەس"، - دەدى مينيستر جۋرناليستەردىڭ سۇراعىنا جاۋاپ بەرۋ كەزىندە.
مينيستردەن مەكتەپتەردە كىمدەردىڭ لەكسيا وقۋعا قۇقىعى بار-جوعىن سۇرادى. "وعان رۇقسات جوق. ەگەر ءسىز قانداي دا ءبىر ءدىني نەمەسە باسقا دا ماسەلەلەردى مەڭزەپ وتىرعان بولساڭىز، ءبىزدىڭ جاۋابىمىز ءبىر، ءبىلىم بەرۋ ۇيىمدارىنا كەز كەلگەن ادام كەلىپ ءوزىنىڭ ءدىني كوزقاراسى تۋرالى لەكسيا وقي المايدى جانە مۇنداي نارسە اتىمەن جوق بىزدە"، - دەدى ايماعامبەتوۆ.
ەسكە سالساق، مۇحامەدجان تازابەك - ءدىني "اسىل ارنا" تەلەارناسىنىڭ باس ديرەكتورى. وسىعان دەيىن تازابەكتىڭ پوليسەيلەرگە لەكسيا وقىدى دەگەن اقپاراتتان كەيىن تەكسەرىس باستالعانى ايتىلعان ەدى.
