نۇرسۇلتان نازاربايەۆ جاپونيادا ۋكراينا پرەزيدەنتى ۆلاديمير زەلەنسكييمەن كەزدەستى دەپ جازادى Qamshy.kz اقپارات اگەنتتىگى ەlbasy.kz سايتىنىڭ دەرەگىن نەگىزگە الىپ.
توكيوداعى كەزدەسۋ بارىسىندا ەلباسى ۆلاديمير زەلەنسكييدى ۋكرايناداعى پرەزيدەنتتىك سايلاۋداعى جەڭىسىمەن قۇتتىقتادى.
"مەن ۋكرايناداعى جايتتاردى ۇنەمى قاداعالاپ وتىرامىن. ءسىزدىڭ ەلىڭىزدە بولىپ جاتقان وقيعالارعا بەي-جاي قارامايمىن. بۇعان ۋكراينادا 2 جىل وقىعانىم سەبەپ بولا المايدى. ەڭ باستى سەبەپ مەن تاۋەلسىزدىكتىڭ العاشقى كۇندەرىنەن باستاپ ەلدەرىڭىزدىڭ بارلىق پرەزيدەنتتەرىمەن جاقسى تانىسپىن"، - دەدى.
الايدا نۇرسۇلتان نازاربايەۆ ۋكرايناداعى وقيعالارعا الاڭداۋشىلىق ءبىلدىردى. نازاربايەۆ ۋكراينانىڭ وڭتۇستىك-شىعىسىنداعى قاقتىعىستى بەيبىت جولمەن شەشۋدىڭ ماڭىزدىلىعىن اتاپ ءوتتى.
"ءسىز حالىقتىڭ ۇلكەن سەنىمىمەن سايلاندىڭىز. ءوز جوسپارلارىڭىزدى جۇزەگە اسىرۋعا بارلىق مۇمكىندىكتەر بار"، - دەيدى نازاربايەۆ.
ءوز كەزەگىندە ۆلاديمير زەلەنسكيي ۋكراينا ءارقاشان كەڭ اۋقىمدى ماسەلەلەر بويىنشا قازاقستان رەسپۋبليكاسىن قولدايتىنىن اتاپ ءوتتى. كەلىسسوزدەر بارىسىندا ۆلاديمير زەلەنسكيي ءوزىنىڭ نيۋ-يوركتە قازاقستان پرەزيدەنتى قاسىم-جومارت توقايەۆپەن تانىستىعى تۋرالى ايتتى، سونىمەن قاتار نازاربايەۆتى ۋكرايناعا شاقىردى.
پىكىر قالدىرۋ