براكونەرلەر زاڭ بويىنشا قاتاڭ جازالانۋى ءتيىس. بۇل تۋرالى پرەزيدەنت قاسىم-جومارت توقايەۆ Twitter جەلىسىندەگى پاراقشاسىندا مالىمدەدى، – دەپ Qamshy.kz اقپارات اگەنتتىگى حابارلايدى.
"براكونەرلەر تابيعات بايلىعى – كيىكتەردى اۋلاۋدى توقتاتپاي وتىر. الماتى وبلىسىندا ۇقك قىزمەتكەرلەرى 3 مىڭعا جۋىق كيىكتى ولتىرگەن قىلمىسكەرلەردى قۇرىقتادى. قاسكويلەر زاڭعا سايكەس قاتاڭ جازاعا تارتىلۋى ءتيىس. قۇقىق قورعاۋ ورگاندارى مۇنداي زاڭسىز ارەكەتتەرگە توقتاۋ سالۋى كەرەك"، – دەدى مەملەكەت باسشىسى.
ەسكە سالساق، بۇگىنگە دەيىن ۇلتتىق قاۋىپسىزدىك كوميتەتىنىڭ قىزمەتكەرلەرى الماتى، شىمكەنت جانە ودان وزگە 5 وبلىستا ۇيىمداسقان قىلمىستىق توپتىڭ 18 مۇشەسىن تۇتقىنداعان. ال تەرگەۋ كەزىندە 3 مىڭعا جۋىق اقبوكەننىڭ ءمۇيىزى تابىلعان.
پىكىر قالدىرۋ