الماتى اكىمىنىڭ ورىنباسارى ەرجان باباقۇماروۆ KazMedConsult كومپانياسىنىڭ ديرەكتورى كيەۆين فريكپەن جەدەل مەديسينالىق كومەك قىزمەتىن مودەرنيزاسيالاۋ ماسەلەلەرىن تالقىلادى، – دەپ حابارلايدى قالالىق اكىمدىكتىڭ باسپا ءسوز قىزمەتى.

«جەدەل قىزمەتتى» مودەرنيزاسيالاۋ جوباسى مەديسينالىق كومەك كورسەتۋگە حالىقارالىق ستاندارتتى ەنگىزۋدى جوبالايدى.

بۇلاردان وزگە، ديسپەچەرلىك قىزمەتتى مودەرنيزاسيالاۋ، سونىمەن قاتار ساراپتاما مەن Big data وندەۋىنىڭ نەگىزىندە پروسەستىڭ ساپاسىن ارتتىرۋ قۇرالدارىن قولدانۋ تالقىلاندى.

جەدەل قىزمەتتى مودەرنيزاسيالاۋ اۋرۋحاناعا جاتقىزۋدان باستاپ ەمدەۋگە دەيىنگى كەزەڭدەردەگى مەديسينالىق قىزمەتتىڭ ساپاسىن ارتتىرۋعا مۇمكىندىك بەرەدى.

«ساپالى مەديسينالىق قىزمەتتەر – الماتىنى دامىتۋداعى نەگىزگى باسىمدىقتاردىڭ ءبىرى. قالا اكىمى باقىتجان ساعىنتايەۆ بۇل ماسەلەگە ەرەكشە نازار اۋدارادى. ونىڭ تاپسىرماسى بويىنشا ءبىز بارلىق مەديسينالىق مەكەمەلەرگە اۋديت جۇرگىزدىك، ناتيجەسىندە قالا اۋرۋحانالارى مەن ەمحانالارىنىڭ جوعارى نۇكتەلى قۇرالدارمەن جابدىقتالۋى 60%-كە جۋىق ەكەنى انىقتالدى»، – دەپ حابارلادى ە. باباقۇماروۆ. سونىمەن قاتار، ول 2022 جىلدىڭ اياعىنا دەيىن قالا مەدمەكەمەلەرىنىڭ جابدىقتالۋى كەمدەگەندە 90%-دى قۇرايتىنىن اتاپ ءوتتى.

ك. فريكتىڭ دەنساۋلىق ساقتاۋ سالاسىندا، كونستالتينگتە، ستراتەگيالىق دامۋدا جانە بيزنەستى دامىتۋدا كوپجىلدىق مەنەدجەرلىك تاجىريبەسى بار.