الماتى اكىمى باقىتجان ساعىنتايەۆ ساۋلەت ەسكەرتكىشتەرى قۇرامىنا قالانىڭ  بىرەگەي عيماراتتارىن ەنگىزۋ بويىنشا الماتىلىقتاردىڭ ۇسىنىستارىن جيناۋدى تاپسىردى، دەپ حابارلايدى قالالىق اكىمدىكتىڭ باسپا ءسوز قىزمەتى.

ب. ساعىنتايەۆتىڭ تاپسىرماسى بويىنشا  تاريحي كوركى ساقتالۋى ءتيىس ەرەكشە عيماراتتار مەن نىسانداردىڭ ءتىزىمىن جاساۋ جونىندەگى جۇمىس باستالدى. قالالىق جوسپارلاۋ جانە ۋربانيستيكا باسقارماسى ساۋلەت ەسكەرتكىشتەرى تىزىمىنە ەنۋى ءتيىس عيماراتتار بويىنشا تۇسكەن ۇسىنىستاردى جيناۋ جوباسىن ىسكە قوستى.

الماتىلىقتاردىڭ پىكىرى بويىنشا ساقتاۋلى ءتيىس عيماراتتار تۋرالى اقپاراتتى almaty.uaig.kz سايتىنداعى «بىرەگەي عيماراتتار كاتالوگى» ايدارىنا ءاتى-جونى مەن تەگىن، بايلانىس تەلەفونىن، نىساننىڭ مەكەنجايى مەن فوتوسىن جىبەرۋ قاجەت. ازاماتتار ۇسىنعان وبەكتىلەردى ساراپشىلار ءبىر ايدا ەكى رەت قوعامدىق كوميسسيادا تالقىلايدى جانە «الماتىنىڭ بىرەگەي عيماراتتارىنىڭ كاتالوگىنا» ەنگىزىلەدى. قوعامدىق تىڭداۋ بولاتىن كۇن كەيىنىرەك جاريالانادى.

قازىرگى كەزدە 757 قۇندى تاريحي عيماراتتار انىقتالدى. الماتىنىڭ تاريحي-مادەني مۇراسىمەن اينالىساتىن ساۋلەتشىلەر مەن ەنتۋزياستاردىڭ كاسىبي ءبىر توبى قالانىڭ ساۋلەت ۇقساستىعىن زەرتتەيتىن (Archcode Almaty) جوباسىن ۇسىنۋدا، سوندا كەڭەس ءداۋىرى كەزىندە سالىنعان قازاقستاننىڭ بۇرىنعى استاناسىنىڭ بارىنشا بىرەگەي عيماراتتارى دا ەنىپ، كاتالوگتىڭ ءمانى ارتا تۇسەر ەدى.

بۇرىندارى الماتى قالاسى عيماراتتارىنىڭ جاسى كورسەتىلگەن كارتا  بولدى، ونىڭ قۇرامىنا 250 مىڭعا  جۋىق نىسان ەنگەن. كارتا قالا قۇرىلىسىنىڭ 7 كەزەڭىن قامتيدى: ۆەرنىي كەزەڭىنەن باستاپ بۇگىنگى كۇنگە دەيىن:

1)  1927  جىلعا دەيىن، قالانىڭ  استانا  اتانۋى؛

2)  استانالىق  اۆانگارد: 1927-1935  جىلدار؛

3) كلاسسيكالىق جانە ۇلتتىق مۇرانى يگەرۋ: 1936-1941  جىلدار؛

4) سوعىس كەزىندەگى جانە سوعىستان كەيىنگى كلاسسيسيزم: 1942-1957  جىلدار

5) ەرتە مودەرنيزم: 1958-1969  جىلدار؛

6) «جوعارى» مودەرنيزم: 1970-1995  جىلدار؛

7)  زاماناۋي: 1995 جىلدان كەيىن جانە بۇگىنگى كۇنگە دەيىن.