Nur Otan پارتياسى الماتى قالالىق فيليالىنىڭ ءتوراعاسى، قالا اكىمى باقىتجان ساعىنتايەۆ فيليالدىڭ كەزەكتى جيىنىن وتكىزدى، وندا باستاۋىش پارتيا ۇيىمدارى جۇمىستارىنىڭ تيىمدىلىگىن ارتتىرۋ ماسەلەسى قارالدى، دەپ جازادى قالا اكىمىنىڭ باسپا ءسوز قىزمەتى. 

جيىندا «قۇتتى مەكەن» جوباسىن جۇزەگە اسىرۋعا، پارتيانىڭ الماتى قالالىق فيليالى باستاۋىش پارتيا ۇيىمدارىنىڭ جۇمىسىن قايتا قۇرۋعا، «تازا سەسسيا» اكسياسى اياسىندا جوعارى وقۋ ورىندارى اراسىندا جۇرگىزىلگەن ساۋالناما قورىتىندىسىنا قاتىستى ماسەلەلەر قارالدى. سونىمەن قاتار، پارتيانىڭ قالالىق فيليالىنىڭ قوعامدىق قابىلداۋىندا 2019 جىلدىڭ 9 ايى ىشىندە مەملەكەتتىك ورگاندار باسشىلارىنا ازاماتتاردىڭ جولداعان وتىنىشتەرى جانە «الماتى-2020» قالانى دامىتۋ باعدارلاماسى قارالدى.

پارتيالىق باقىلاۋ بارىسىندا «قۇتتى مەكەن» جوباسى بويىنشا وبەكتىلەردە ينجەنەرلىك جانە الەۋمەتتىك ينفراقۇرىلىم سالۋدىڭ كەستەدەن تىس قالۋ فاكتىلەرى انىقتالدى. ونىڭ سەبەبى – تەحنيكا مەن جۇمىسشى كۇشى جەتىسپەيتىن مەردىگەرلەردىڭ جاۋاپسىزدىعى.

وسىعان وراي ب. ساعىنتايەۆ ايتىلعان بارلىق پروبلەمالاردى جويۋ ءۇشىن ناقتىلى شارالاردى ىسكە اسىرۋدى تاپسىردى. اۋداندىق فيليالداردىڭ ءتوراعالارى – اۋدان اكىمدەرى ءبىر اي ىشىندە كەم دەگەن ءبىر رەت پارتيالىق باقىلاۋ كوميسسيالارىنىڭ وتىرىستارىن وتكىزىپ تۇرۋلارى ءتيىس. پارتيانىڭ قالالىق فيليالى ءتوراعاسىنىڭ ءبىرىنشى ورىنباسارى ستانيسلاۆ كانكۋروۆ جوبانى جۇزەگە اسىرۋ جانە تەكسەرۋ قورىتىندىسى بويىنشا ورىن العان كەمشىلىكتەردى جويۋعا قاتىستى جۇرگىزىلگەن جۇمىستار بويىنشا پارتيا فيليالىنىڭ اپپاراتتىق جيىنىنا اقپارات ۇسىنۋى قاجەت.

بۇلاردان وزگە، ب. ساعىنتايەۆ پارتيالىق جۇمىس جەتكىلىكسىز قامتىلعان جەرلەردەگى ۋچاسكەلەردە ەلەكتروندى كارتا نەگىزىندە «باستاۋىشتاردى» قۇرۋدى تاپسىردى.

ب. ساعىنتايەۆ Jas Otan جاستار قاناتىنىڭ قالالىق فيليالىنا جوعارى وقۋ ورىندارىنىڭ بارلىق وقۋ كورپۋستارى مەن جاتاقحانالاردا «سەنىم جاشىگى» جوباسىن ىسكە اسىرۋدى تاپسىردى.

اۋدان اكىمدەرى مەن باسقارمالار باسشىلارىنا Nur Otan پارتياسىنىڭ قوعامدىق قابىلداۋىندا ازاماتتاردى قابىلداۋ كەستەسىن مۇلتىكسىز ساقتاۋ جانە وتىنىشتەردى دەر كەزىندە قاراۋ تاپسىرىلدى.

ءدال وسى كۇنى ب. ساعىنتايەۆ Nur Otan پارتياسىنىڭ قوعامدىق قابىلداۋىندا ازاماتتاردى قابىلداۋدى وتكىزىپ، 14 قالالىقتى قابىلدادى. تۇرعىندار تۇرعىن ۇيگە، جەر ۋچاسكەلەرىنە، پيك جۇمىستارىنا قاتىستى ماسەلەلەردى العا تارتتى. بارلىق ماسەلەلەرگە قولدانىستاعى زاڭ اياسىندا تۇسىنىكتەمەلەر بەرىلدى. قوسىمشا زەرتتەۋدى قاجەت ەتەتىن ساۋالدار جەرگىلىكتى جەرگە بارىپ، كورىپ، تەكسەرۋدىڭ ناتيجەسى بويىنشا شەشىلەتىن بولادى.