تارازداعى جاعا ۇستاتارلىق جاعدايدان سوڭ مەكتەپ ديرەكتورى، ديرەكتوردىڭ ورىنباسارى، ءمۇعالىمى مەن ۆاحتەر جۇمىستان بوستىلدى، دەپ جازادى Qamshy.kz اقپارات اگەنتتىگى.
ەسكە سالا كەتسەك، كەشە 12 جاستاعى ءجاسوسپىرىمنىڭ مەكتەپ اجەتحاناسىندا زورلانعانى انىقتالدى. كۇدىكتى بارلىق بەينەباقىلاۋ كامەرالارىنان انىق كورىنىپ تۇرعان. الايدا ەمىن-ەركىن جۇرگەن پەدوفيلگە ەشكىم ءمان بەرمەگەن.
ءبىلىم جانە عىلىم مينيسترلىگى بالالارعا قاتىستى زورلىق-زومبىلىقتىڭ كوبەيۋىنە الاڭداۋشىلىق ءبىلدىردى. قۇقىق قورعاۋ ورگاندارى اتالعان فاكتى بويىنشا تەرگەۋ شارالارىن جۇرگىزۋدە.
ءبىلىم بەرۋ ۇيىمىنىڭ باسشىسى وقۋ پروسەسى كەزىندە ستۋدەنتتەردىڭ، وقۋشىلار مەن ءبىلىم بەرۋ ۇيىمىنىڭ قىزمەتكەرلەرىنىڭ ءومىرى مەن دەنساۋلىعىنا جاۋاپ بەرەتىندىگى اتاپ ءوتىلدى.
"وسىعان بايلانىستى مەكتەپ ديرەكتورى، ديرەكتوردىڭ تاربيە ءىسى جونىندەگى ورىنباسارى، فيزيكا ءپانىنىڭ ءمۇعالىمى جانە كۇزەت ءبىلىم سالاسىنداعى جەرگىلىكتى ۋاكىلەتتى ورگاننىڭ شەشىمىمەن قىزمەتىنەن بوساتىلدى. مينيستر جامبىل وبلىسىنىڭ ءبىلىم باسقارماسىنا زارداپ شەككەن وقۋشىعا پسيحولوگيالىق كومەك كورسەتۋ ءۇشىن شۇعىل شارالار قابىلداۋدى تاپسىردى، ۇيدە جەكە وقىتۋ ۇيىمداستىرىلدى"، - دەپ حابارلادى ءبىلىم جانە عىلىم ءمينيسترىنىڭ كەڭەسشىسى ەربولات مۇحامەدجانوۆ.
جابىرلەنۋشى كۇدىكتىنى تانىپ وتىر. قازىرگى ۋاقىتتا ول ۋاقىتشا ۇستاۋ يزولياتورىنا قامالدى. 38 جاستاعى كۇدىكتى بۇرىن ۇرلىق ءۇشىن سوتتالعان.
پىكىر قالدىرۋ