قىتايداعى 14 دارىگەر كورونوۆيرۋستىڭ جاڭا ءتۇرىن جۇقتىرعان دەپ جازادى Qamshy.kz اقپارات اگەنتتىگى. ۋحاندا 218 ادام، بەيجىڭدە 5 ادام، شانحايدا ءبىر ادام، گۋاندۋن پروۆينسياسىندا 14 ادام وسى ۆيرۋستى جۇقتىرعان. وسىعان قاتىستى قىتايدا شۇعىل جيىن ءوتتى. 

شەتەلدىك باسىلىمنىڭ دەرەگىنە سۇيەنسەك، اتالمىش ۆيرۋس جۇڭگو اۋماعىنان تىس جەردە تاراپ جاتىر. 

ساراپشىلاردىڭ سوزىنە سەنسەك، كوروناۆيرۋس ادامنان ادامعا جۇعاتىن ۆيرۋس.

"گۋاندۋن پروۆينسياسىندا ەكى جاعداي تىركەلدى. ۆيرۋس جۇقتىرعانداردىڭ ءوزى ۋحانعا بارماعان، تەك وتباسى مۇشەلەرى بارىپ قايتقان. سالدارىنان ولار ۆيرۋس جۇقتىرىپ كەلىپ، وتباسىنىڭ وزگە مۇشەلەرى اۋىرىپ قالعان. سوندىقتان ءدال ءقازىر بۇل ۆيرۋستىڭ جۇقپالى ەكەنىن ايتۋعا بولادى"، - دەدى دەنساۋلىق ساقتاۋ ماسەلەلەرى بويىنشا مەملەكەتتىك كوميتەتتىڭ ءتوراعاسى چجۋن نانشان.