20 قاڭتاردا قازاقستان پارلامەنتى ءماجىلىسىنىڭ ەكس-دەپۋتاتى، ساياساتتانۋشى كامال بۋرحانوۆ ومىردەن ءوتتى. بۇل اقپاراتتى پارلامەنت سەناتىنىڭ دەپۋتاتى مۇرات باقتيار ۇلى فەيسبۋكتەگى پاراقشاسىندا حابارلادى. ونىڭ جازۋىنشا، كامال بۋرحانوۆ ەكى جىلدان بەرى توسەك تاراتىپ اۋىرىپ جاتقان.

كامال بۋرحانوۆ 1954 جىلى 31 ناۋرىزدا تاشكەنت وبلىسى يانگيۇل اۋدانى شۋروليساي اۋىلىندا تۋعان. تاشكەنت مەملەكەتتىك ۋنيۆەرسيتەتىن، ماسكەۋ مەملەكەتتىك الەۋمەتىك ۋنيۆەرسيتەتىن بىتىرگەن. ساياسي عىلىمدارىنىڭ دوكتورى، پروفەسسور. ەڭبەك جولىن 1977 جىلى ءا.قاستەيەۆ اتىنداعى ونەر مۋزەيىنىڭ عىلىم قىزمەتكەرى بولىپ باستاعان ول، 2007 جىلعا دەيىن ءتۇرلى لاۋازىمداعى قىزمەتتەردى ابىرويمەن اتقارعان. ول 2007-2011، 2012-2016 جىلدارى ماجىلىستە دەپۋتات بولدى.