باعدات پوليسياسى شەرۋشىلەردى قويۋ تۇتىنگە تۇنشىقتىرىپ، ولارعا كوزدەن جاس اعىزاتىن گاز شاشتى دەپ جازادى Qamshy.kz اقپارات اگەنتتىگى. 

ۇكىمەتكە قارسى مينينگىلەردىڭ كۇشەيۋۋىنە بايلانىستى، شەرۋشىلەر باعداتتىڭ جانە وڭتۇستىكتەگى بىرنەشە قالالاردىڭ باستى جولدارىن جاۋىپ تاستادى.

ۇكىمەت رەفورمالارىنىنىڭ باياۋ قارقىنىنا نارازى ءبىلدىرىپ كوشەگە شىققان جۇزدەگەن شەرۋشىلەردى پوليسيا قىزمەتكەرلەرى يراك استاناسى باعدات جولدارىن تازالاۋ ماقساتىندا قويۋ تۇتىنگە تۇنشىقتىرىپ، ولارعا كوزدەن جاس اعىزاتىن گاز شاشتى.
شەرۋشىلەر ۇكىمەتكە ءبىر اپتا بۇرىن دۇيسەنبىگە دەيىن جاڭا سايلاۋ زاڭى بويىنشا جەدەل ساۋالناما جۇرگىزىپ، تاۋەلسىز پريمەر – ءمينيستردى تاعايىنداۋ جانە سىبايلاس جەمقورلىققا قاتىستى بار كۇدىكتى تۇلعالاردى قۋدالاۋدى تالاپ ەتكەن.
جەكسەنبىدەن بااستالىپ دۇيسەنبىگە دەيىن جالعاسقان شەرۋدە دەمونسترانتتار باعدات جانە وڭتۇستىك تاس جولدارى مەن كوپىرلەردى جانعان دوڭگەلەكتەرمەن بوگەپ تاستاعان.
اتى ءجونىن ايتۋدان باس تارتقان نارازىلىق بىلدىرۋشىلەردىڭ ءبىرى بىلاي دەدى: «ءبىز ءوز قۇقىعىمىزدى... جاستاردىڭ جۇمىسقا ورنالاسۋ قۇقىعىن تالاپ ەتۋ ءۇشىن جولداردى جاۋىپ تاستادىق».
«ءبىز ورتالىق ۇكىمەتتەن مەرزىمىنەن بۇرىن سايلاۋ وتكىزۋدى جانە جاڭا تاۋەلسىز پرەمەر-مينيستردىڭ كانديداتۋراسىن ۇسىنۋدى تالاپ ەتەمىز. ەگەر بۇل ورىن الماسا، ءبىز قالانىڭ بارلىق تاس جولدارى مەن ورتالىقتارىن جاۋىپ تاستايمىز.»
كۋاگەرلەردىڭ ايتۋىنشا وق دارىلەردى قولدانۋ سالدارىنان ءبىر شەرۋشى كوز جۇمعان.

وقيعا ورنىنداعى دارىگەرلەر كوزدەن جاس اعاتىن گازدىڭ اسەرىنەن زارداپ شەككەن وننان استام ادامعا كومەك كورسەتكەن.
Al Jazeera ءتىلشىسى يمران حاننىڭ حابارلاۋىنشا، «جاڭالىقتاردى كورگەن تۇرعىندار، وقيعا ورنىنا كوپتەپ كەلىپ جاتىر - بۇل سوڭعى اپتالارداعى ەڭ ۇلكەن جانە ەڭ قاتىگەز دەمونستراسيالاردىڭ ءبىرى».

نارازىلىق يراكتىڭ وڭتۇستىگىندە، سونىڭ ىشىندە ناسيريا، كەربالا جانە امارا قالالارىندا دا باستالدى، وندا دەمونسترانتتار كولىك دوڭگەلەكتەرىن ورتەپ، جولداردى جاۋىپ تاستاعان.  كوتەرىلىس 1 قازاندا مىڭداعان يراكتىقتار، ۇكىمەتتە كەڭ ەتەك جايعان سىبايلاس جەمقورلىقتى، ساپاسى تومەن مەملەكەتتىك قىزمەتتى جانە جۇمىس ورىندارىنىڭ تاپشىلىعى ماسەلەسىن شەشۋدى تالاپ ەتۋگە شەرۋگە شىققاندا باستالعان.

نارازىلىق بىلدىرۋشىلەر سونىمەن قاتار يراكتىڭ 2003 جىلى اقش تىڭ باستاعان شابۋىلىنان كەيىن ەنگىزىلگەن كۆوتالىق-ساياسي جۇيەنى توقتاتۋدى تالاپ ەتۋدە.