يتاليا دەنساۋلىق ساقتاۋ ينستيتۋتىنىڭ حابارلاۋىنشا، ريمدە "2019-nCoV" ۆيرۋسىن جۇقتىرعان العاشقى يتاليالىق انىقتالدى. دۇيسەنبىدە ۋحاننان وتانىنا ورالعان ازاماتتاردىڭ ءبىرى جاساعان مەديسينالىق تەستىلەۋ وڭ ناتيجە كورسەتتى، دەپ حابارلايدى Qamshy.kz اقپارات اگەنتتىگى ria.ru -گە سىلتەمە جاساپ.
جەرگىلىكتى بۇقارالىق اقپارات قۇرالدارىنىڭ مالىمەتىنشە، يتاليا دەنساۋلىق ساقتاۋ مينيسترلىگى كوروناۆيرۋسقا قارسى ارنايى جۇمىس توبىن جۇمىلدىرۋدا. دۇيسەنبىدە اسكەري ۇشاقپەن ۋحاننان وتانىنا ورالعان 56 يتاليا ازاماتىنىڭ ءبىرى ءقاۋىپتى ۆيرۋستى جۇقتىردى دەگەن كۇدىكپەن اۋرۋحاناعا جاتقىزىلدى.
بەيسەنبى كۇنى ۋحاننان ەرەسەك ەر ادامدى ريمدە لاززارو سپاللانزاني ۇلتتىق جۇقپالى اۋرۋلار ينستيتۋتىنا الىپ كەلدى. يتاليا پرەمەر-مينيسترى دجۋزەپپە كونتە جۋرناليستەرگە مەديسينالىق ورگاندار كوروناۆيرۋس ينفەكسياسىنىڭ جاڭا جاعدايى تۋىنداۋىنا بايلانىستى قاجەتتى تەكسەرۋلەر جۇرگىزىپ جاتقانىن راستادى.
31 قاڭتاردا مينيسترلەر كەڭەسى ەلدە التى ايعا توتەنشە جاعداي ەنگىزۋ تۋرالى شەشىم قابىلدادى. بۇل شەشىمدى جۇزەگە اسىرۋ ءۇشىن 5 ميلليون ەۆرو ءبولىندى. جۇك رەيستەرىن قوسپاعاندا، قىتايمەن اۋە قاتىناسىن توقتاتۋ تۋرالى شەشىم قابىلدانعان.
پىكىر قالدىرۋ