بۇل تۋرالى Qamshy.kz اقپارات اگەنتتىگى قازاقپارات سايتىنا سىلتەمە جاساپ حابارلايدى.

«ول وسى پروبلەماعا نازار اۋدارتۋ ءۇشىن وسىلاي ىستەدى، ءبىراق بۇل - ازاماتتىق-قۇقىقتىق قاتىناس. ءبىز وعان مەردىگەرلىك كەلىسىمشارتتى جاساعان ازاماتتى سوتقا بەرۋ جونىندە كەڭەس بەردىك، ول سوتقا شاعىمدانۋى ءتيىس»، - دەپ ءمالىم ەتتى وبلىستىق ەڭبەك باسقارماسى.

بۇل ماسەلە جونىندە وبلىستىق پوليسيا دەپارتامەنتىنىڭ باسپا ءسوز قىزمەتى سوتقا دەيىنگى تەرگەۋ باستالعانىن مالىمدەگەن. وقيعانى تەرگەۋ قىلمىستىق كودەكستىڭ 105-بابى بويىنشا جۇرگىزىلۋدە.

وسى رەتتە، پوليسەيلەر اتالعان جايتقا بايلانىستى ق ر قىلمىستىق پروسەسسۋالدىق كودەكسىنىڭ 201-بابى بويىنشا تەرگەۋ مۇددەسىنە ساي باسقا اقپارات بەرىلمەيتىنىن ايتادى.

ال اكىمشىلىك رەسۋرس رەتىندە وسى ءىستى باستى نازاردا ۇستاۋى ءتيىس وبلىستىق ەڭبەك باسقارماسى اۋەلى سوت كىمنىڭ، كىمگە، قانشا اقشا بەرەشەك ەكەنىن انىقتاۋى كەرەك دەيدى. سونىمەن بىرگە، ەڭبەك ينسپەكسياسى «وليمپ-پۆل» جاۋاپكەرشىلىگى شەكتەۋلى سەرىكتەستىگىمەن كەلىسسوز جۇرگىزۋدى جوسپارلاپ وتىرعانىن اتاپ وتكەن.

«مۇمكىن ولار بۇل ماسەلەنى بەيبىت جولمەن شەشەر. شىنىمەن دە جالاقىعا اقشا قارىز با، قارىز بولسا، قانشا دەگەن سياقتى ماسەلەلەردى تالقىلاپ، ءبىر كەلىسىمگە كەلۋى مۇمكىن. ول جاعدايدا ءتىپتى سوتقا بەرۋدىڭ قاجەتى بولمايدى»، - دەيدى ەڭبەك باسقارماسىنداعىلار.

وقي وتىرىڭىز: ەندى جالاقى بەرمەيتىندەرگە ايىپپۇل سالىنادى