بۇل تۋرالى Qamshy.kz اقپارات اگەنتتىگى سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى دەرەگىن نەگىزگە الىپ حابارلايدى.
«ماڭعىستاۋ وبلىسى بويىنشا سىبايلاس جەمقورلىققا قارسى قىزمەتى ماڭعىستاۋ وبلىستىق ەڭبەك، الەۋمەتتىك قورعاۋ جانە كوشى-قون دەپارتامەنتى باسشىسىنىڭ ورىنباسارىنا قاتىستى سىبايلاس جەمقورلىق قىلمىسىن جاسادى دەگەن كۇدىكپەن سوتقا دەيىنگى تەرگەۋدى باستادى»، - دەلىنگەن حابارلامادا.
اتالعان اگەنتتىك باسپا ءسوز قىزمەتى ءوز حابارلاماسىندا شەنەۋنىكتىڭ نە سەبەپتى كۇدىككە الىنعانىن دا اتاپ وتكەن. ياعني، وبلىستىق ەڭبەك جانە حالىقتى الەۋمەتتىك قورعاۋ دەپارتامەنتى باسشىسىنىڭ ورىنباسارى ازاماتتاردان مۇگەدەكتىكتى بەرۋدى زاڭسىز جەدەلدەتكەنى ءۇشىن جۇيەلى تۇردە پارا الىپ وتىرعان دەپ كۇدىككە ىلىنگەن.
وسى رەتتە، كۇدىكتىنىڭ كىناسىن مويىنداپ، قورعاۋشىنىڭ قاتىسۋىمەن كەلۋ تۋرالى جازباشا مىندەتتەمەنى العانى ءۇشىن پروسەسسۋالدىق ۇستاۋ قولدانىلماعان.
پىكىر قالدىرۋ