قازاقستاننىڭ دەنساۋلىق ساقتاۋ مينيسترلىگى 24 ناۋرىز كۇنى ساعات 23.20-دا ەلدە كوروناۆيرۋس جۇقتىرعان تاعى ەكى ادام انىقتالعانىن حابارلادى. مينيسترلىكتىڭ حابارلاۋىنشا، جامبىل وبلىسىندا ءبىر ادامنان، سولتۇستىك قازاقستاندا وبلىسىندا ءبىر ادامنان ۆيرۋس تابىلعان.

24 ناۋرىزداعى مالىمەت بويىنشا، ەلدە 72 ادام كوروناۆيرۋس جۇقتىرعان. ءقازىر الماتىدا – 29 ادام، نۇر-سۇلتاندا – 35 ادام، قاراعاندىدا – 2 ادام، الماتى وبلىسىندا – 1، اقتوبە وبلىسىندا –1 ادام، شىمكەنتتە – 1 ادام، جامبىل وبلسىندا – 1 ادام، سولتۇستىك قازاقستان وبلسىندا – 1 ادام ەمدەلىپ جاتىر.

قازاقستاندا كوروناۆيرۋس جۇقتىرعاندار العاش رەت 13 ناۋرىزدا انىقتالدى. كەيىن، ۆيرۋس جۇقتىرعاندار سانى سەگىزگە جەتكەن كەزدە پرەزيدەنت توقايەۆ ەلدە 15 ساۋىرگە دەيىن توتەنشە جاعداي جاريالاعان بولاتىن. ال 19 ناۋرىزدان باستاپ ەلدىڭ ەكى ءىرى قالاسى – الماتى مەن نۇر-سۇلتان كارانتينگە جابىلدى.